قرآن کو پڑھنا،سمجھنا اوراس پر عمل کر نا ہر مسلمان کے لیے انتہائی ضروری

کریمیہ اسکول چوڑیوالان،جامع مسجددہلی میں عظیم الشان جلسہ سیرت النبیؐ کا انعقاد

نئی دہلی،6،اکتو بر (اندیا نیرٹیو)

انجمن محافظ اوقاف قوم تاجران جفت(دہلی صدیقی برادری)کی جانب سے کریمیہ اسکول،چوڑیوالان،جامع مسجد دہلی میں ایک عظیم الشان جلسہ سیرت النبیؐمنعقد کیا گیا جس میں جناب ڈاکٹر محمد اسلم پرویز صاحب (سابق وائس چانسلر مولانا آزاد نیشنل اردو یو نیورسٹی حیدر آباد،وفاؤنڈر قرآن اکیڈیمی)مہمان خصو صی کے طور پر شریک ہوئے۔

سیرت پاکؐ کا یہ جلسہ دو سیشن میں منعقد کیا گیا،پہلے سیشن میں اسکول کے طلباو طالبات نے پروگرام پیش کیا۔جماعت پنجم کے طالب علم ارحم نے “سورۃفا تحہ”معہ تر جمہ کے ساتھ پیش کی۔پنجم جماعت کے طالب علم عباد نے سیرت النبیؐ کی اہمیت پر اردو میں تقریر پیش کی۔پنجم جماعت کی ہی طالبات نے ایک گروپ نعت پیش کی “حضور آگئے ہیں حضور آگئے ہیں “جماعت چہارم کی طالبہ اقرا ء نے انگریزی میں حضور ؐکی سیرت پر ایک تقریر کی۔

چہارم جماعت کی طالبات نے گروپ نعت “اندھیرے میں دل کے چراغ”پیش کی۔پنجم جماعت کے طلباء نے انگریزی میں نعت”He Was Mohammad”پیش کی۔دویم جماعت کی طالبات نے نعت”وہ ہے سب سے پیارا نبی”پیش کی۔K.G.Aکی طالبات نے “میرے نبی کی شان “پیش کی۔پری نر سری کی بچی نے ایک نعت “حسبی ربی”پیش کی۔جماعت چہارم کے ارحم نے ایک نعت پیش کی۔

چہارم جماعت کے طلبا نے انگریزی میں ایک نعت We Love Mohammadپیش کی۔طالب علم عمر نے ایک نعت “اک نظر ہم پر”پیش کی۔آخیر میں طلباء نے حضوؐر کو اجتماعی طور پر سلام پیش کیا۔کریمیہ اسکول کے طلباو طالبات کے اس پروگرام کی نظامت ٹیچر مسزصبیحہ رحمانی نے کی۔

دوسرے سیشن کی شروعات قاری نصیر احمد صاحب امام مسجد باغ والی ٹاؤن ہال دہلی کی تلا وت کلام پاک سے کی گئی۔اسکول ٹیچر مس آمنہ نے حمد باری تعالی پیش کی “سیرت مبارکہ میں تعلیم کی اہمیت “کے موضوع پر ٹیچر مس عرشی حسن نے اردو میں تقریر پیش کی۔ٹیچر مس صفیہ نے انگریزی میں سیرت مقدسہ کے مختلف پہلوؤں پر مختصر تقریر کی۔

خطبہ استقبالیہ و ڈاکٹر محمد اسلم پرویز کا تعارف انجمن کے سیکر ٹری اشرف کمال نے پیش کیا۔انجمن کی مینیجنگ کمیٹی کے صدر ضیاء الدین،دوسرے عہدیداران و ممبران اور اسکول کے پر نسپل مر غوب عالم نے ڈاکٹر محمد اسلم پرویز صاحب کا پھولوں کا ہار پہناکر و شال اڑھا کر استقبال کیا اس کے بعد ڈاکٹر محمد اسلم پر ویز نے” پاور پوائنٹ پر زنٹیشن “کے ذریعہ سیرت مقد سہ پر بڑی مدلل تقریر فر مائی۔

اس موقع پرڈاکٹر اسلم پر ویز نے مجمع کو خطاب کرتے ہوئے کہا کہ اللہ تعالی کو احسان کر نے والے بہت پسند ہیں۔انہوں نے کہا کہ اللہ تعالی اپنے کلام مبین میں فرماتا ہے، میرے بندوں سے کہہ دو کہ زبان سے وہ نکالا کر یں جو بہترین ہو۔جو لوگ اللہ کی عطا کی ہوئی نعمتوں کا شکر ادا نہیں کرتے ایک طریقے سے وہ کفر کرتے ہیں۔انہوں نے کہا کہ قرآن جو کہتا ہے میں وہی کہتا ہوں،میں خود کچھ نہیں کہہ رہا ہوں۔آخیر میں شکریہ کی قرارداد انجمن کے صدر ضیاالدین نے پیش کی اور تقریب کا اختتام مفتی محمد قاسم قاسمی امام وخطیب مسجد اینگلو عربک کی دعا پر عمل میں آیا۔کافی و شیرنی سے حا ضرین جلسہ کی تواضع کی گئی۔