کامن ویلتھ گیمز2022: بھارت کی لان باؤلز ویمنز فور ٹیم نے تاریخ رقم کی، ہندوستان کے لیے چوتھا طلائی کا تمغہ حاصل کیا

<p dir="RTL" style="text-align: justify;">
بھارت کی خواتین فور ٹیم نے منگل کو 2022 کے برمنگھم کامن ویلتھ گیمز کے لان باؤلز ویمنز فور ایونٹ میں طلائی تمغہ حاصل کرکے تاریخ رقم کر دی ہے۔ لولی چوبے (لیڈ)، پنکی (سیکنڈ)، نین مونی سیکیا (تھرڈ) اور روپا رانی ٹرکی (اسکپ) کی بھارتی خواتین فور ٹیم نے اس سنسنی خیز اور اتار چڑھاؤ بھرے خطابی میچ میں جنوبی افریقہ کو 10۔17 سے شکست دے کر طلائی تمغہ حاصل کیا۔</p>
<p dir="RTL" style="text-align: justify;">
بھارتی ٹیم نے میچ میں شروع سے ہی اپنا دباؤ برقرار رکھا اور اینڈ 7 تک 2۔8 کی برتری حاصل کی لیکن اس کے بعد جنوبی افریقہ نے زبردست واپسی کرتے ہوئے اینڈ 11 کے بعد ہندوستان پر 8۔10 کی برتری حاصل کر لی۔ تاہم اس کے بعد بھارتی ٹیم نے میچ 10۔17 سے جیت کر طلائی تمغہ پر قبضہ جما لیا۔</p>
<p dir="RTL" style="text-align: justify;">
کامن ویلتھ گیمز کی تاریخ میں لان بال میں یہ ہندوستان کا پہلا تمغہ ہے۔ اس طرح برمنگھم میں ملک کو چوتھا گولڈ میڈل حاصل ہوا۔</p>
<p dir="RTL" style="text-align: justify;">
<strong>لان باؤلز کے قواعد </strong></p>
<p dir="RTL" style="text-align: justify;">
لان باؤل کے اصول آسان ہیں۔ اس کھیل میں ایک گیند کو میدان میں رول جاتا ہے۔ اس کا مقصد یہ ہوتا ہے کہ گیند کو جتنا ممکن ہو سکے 'جیک' کے قریب لایا جائے۔ 'جیک' وہ ہدف ہے جہاں گیند کو پہنچانا ہوتا ہے۔ جو کھلاڑی یا ٹیم  اپنے حریف کھلاڑی یا مخالف ٹیم کے مقابلے جیک کے زیادہ قریب بال کو پہنچاتا ہے، وہ فاتح قرار دیا جاتا ہے۔</p>
<p dir="RTL" style="text-align: justify;">
لان بولنگ کے چار فارمیٹس ہیں جن میں سنگلز، ڈبلز، ٹیم آف تھری اور ٹیم آف فور شامل ہیں جنہیں ہر ٹیم کے کھلاڑیوں کی تعداد کے مطابق تقسیم کیا جاتا ہے۔ ہر ایک کے لیے مردوں اور خواتین کے تمغے کے الگ الگ مقابلے ہیں۔ سنگلز میچوں میں پہلے 21 پوائنٹس حاصل کرنے والا کھلاڑی فاتح ہے۔ دیگر تمام فارمیٹس میں گیند کو 18 الگ الک اینڈ سے بال کو رول کیا جاتا ہے اور سب سے زیادہ پوائنٹس بنانے والی ٹیم فاتح ہوتی ہے۔</p>