ہاردک پانڈیا نے سب سے کم عمری میں انسٹاگرام پر بنایا یہ زبردست ریکارڈ

انسٹاگرام پر 25 ملین فالوورز تک پہنچنے والے سب سے کم عمر کرکٹر بنے ہاردک پانڈیا

نئی دہلی، 7 مارچ (انڈیا نیرٹیو)

بھارتی آل راؤنڈر ہاردک پانڈیا انسٹاگرام پر 25 ملین فالوورز تک پہنچنے والے دنیا کے کم عمر ترین کرکٹر بن گئے ہیں۔

ہاردک کے انسٹاگرام فالوورز دنیا کے کچھ بڑے کھلاڑیوں جیسے رافیل نڈال، راجر فیڈرر، میکس ویرسٹاپین اور ایرلنگ ہالینڈ سے زیادہ ہیں۔

اپنے مداحوں کے تئیں اظہار تشکر کرتے ہوئے، ہاردک نے انسٹاگرام پر پوسٹ کیا، ’’محبت کے لیے میرے تمام مداحوں کا شکریہ۔ میرے تمام مداح میرے لیے خاص ہیں اور میں گزشتہ برسوں سے ملنے والی تمام محبتوں اور حمایت کے لیے ان کا شکریہ ادا کرنا چاہتا ہوں‘‘۔

سوشل میڈیا پر ہاردک کی مسلسل موجودگی نے مداحوں کو میدان کے اندر اور باہر انہیں جاننے کے قابل بنایا ہے۔ اس سے ان کا مداحوں کے ساتھ جذباتی تعلق مزید مضبوط ہوا ہے۔