جموں کشمیر پولیس نے کولگام میں ایک دہشت گرد کوگرفتاری کرنے کا دعویٰ کیا

<p dir="RTL">
<strong>جموں کشمیر پولیس نے کولگام میں ایک دہشت گرد کوگرفتاری  کرنے کا دعویٰ کیا</strong></p>
<p dir="RTL">
سری نگر، 14اپریل (انڈیا نیرٹیو)</p>
<p dir="RTL">
کشمیر پولیس نے کولگام میں ایک دہشت گرد اور تین دہشت گرد اعانت کاروں کو گرفتار کرنے کا دعویٰ کرتے ہوئے کہا ہے کہ ان کے قبضے سے ہتھیار برآمد کیا گیا ہے۔</p>
<p dir="RTL">
اس سلسلے میں پولیس ذرائع نے بتایا کہ دہشت گردوں کے بارے میں ایک خفیہ اطلاع ملنے پر پولیس نے فوج کے 9 آر آر بٹالین کے ایک دستے کے ساتھ بوگنڈ کولگام روڈ پر ناکہ لگا دیا۔</p>
<p dir="RTL">
انہوں نے بتایا کہ فورسز نے تلاشی کے دوران ایک دہشت گرد کو گرفتار کیا۔پولیس کے مطابق دہشت گردکی شناخت زیان احمد ڈار ساکن بارہمولہ کے بطور ہوئی ہے، جو جنوبی کشمیر کے شوپیاں ضلع کے ایک دارلعلوم سے گزشتہ ماہ سے لا پتہ تھا۔</p>
<p dir="RTL">
پولیس کے مطابق گرفتار دہشت گرد کے انکشاف پر اس کے تین اعانت کاروں کو بھی گرفتار کیا گیا ہے۔جن کی شناخت زاہد نذیر، عمر یوسف اور مظفر احمد ساکنان شوپیاں کے بطور ہوئی ہے۔پولیس ذرائع کے مطابق گرفتار شدگان سے پوچھ تاچھ کی جار ہی ہے۔جب کہ ان کے قبضے سے ہتھیار بھی ملا ہے، پولیس نے معاملے کی نسبت کیس درج کیا ہے۔</p>
<p align="right">
<strong><span dir="RTL">کپواڑہ میں کنٹرول لائن پر  فائرنگ کے واقعے میں ایک فوجی زخمی</span></strong></p>
<p align="right">
<span dir="RTL">شمالی کشمیر کے ضلع کپواڑہ میں لائن آف کنٹرول کے ساتھ فائرنگ کے ایک واقعے میں ایک فوجی جوان زخمی ہوا ہے ۔ فوجی ذرائع کا کہنا ہے کہ کپواڑہ سے 30 کلومیٹر کے فاصلے پر واقع "انیل پوسٹ" پر تعینات فوج کے جوانوں نے صبح 10:30 بجے کچھ مشکوک حرکت دیکھی۔ ان لوگوں کو جب للکارا گیا تو انہوں نے واپسی میں گولیاں چلائی۔</span></p>
<p dir="RTL">
ذرائع نے بتایا کہ اس فائرنگ کے واقعہ میں فوج کے ایک اہلکار جس کی شناخت جسویر سنگھ کے نام سے ہوئی ہے ، زخمی ہوا ہے۔اسے فوری طور پر علاج کے لئے 92 بیس اسپتال سرینگر لایا گیا ہے۔ تاہم فوج کے مطابق یہ معلوم نہیں ہوسکا کہ جوان کو دراندازوں کی گولی لگی ہے یا اسے اپنے بندوق کی گولی غلطی سے لگی ہے۔ فوج کے مطابق اس بارے میں تحقیقات شروع کی گئی ہے۔ </p>
<p dir="RTL">
<strong>ڈوڈہ سزان سڑک پر ماروتی گاڑی حادثہ کا شکار ۔ایک ہلاک چار افراد زخمی</strong></p>
<p dir="RTL">
خطہ چناب کے ضلع ڈوڈہ میں گزشتہ روز دیر شب سڑک کے ایک حادثے میں ایک جاں بحق جب کہ چار دیگر افراد زخمی ہوئے تھے۔تفصیلات کے مطابق سڑک کا یہ حادثہ ڈوڈہ سزان سڑک پر سیکوان کے مقام پر پیش آیا جب ایک ماروتی گاڑی زیر نمبر<span dir="LTR">JK02X-1455 </span>ڈوڈہ سے بجارنی سزان کی طرف جا رہی تھی ۔اور سیکوان کے مقام پر ڈرائیور کے قابو سے باہر ہو کر حادثہ کا شکار ہو گئی۔ جس کے نتیجہ میں پانچ افراد زخمی ہوئے ۔حادثہ کی خبر پھیلتے ہی مقامی لوگوں کے علاوہ پولیس، ابابیل کے رضاکاروں نے جائے حادثہ پر پہنچ کر بچاؤ شروع کی اور زخمیوں کو علاج معالجہ کے لئے میڈیکل کالج ڈوڈہ منتقل کیا ۔جہاں شدید طور زخمی تین افراد کو بہتر طبی علاج کے لیے ڈاکٹروں نے میڈیکل کالج جموں منتقل کیا ۔جس میں سے ایک شخص جس کی شناخت روی شاستری سکنہ بجارنی ڈوڈہ کے طور پر ہوئی ہے ۔جموں منتقلی کے دوران ادھمپور پہنچتے زخموں کہ تاب نہ لا کر چل بسا۔ضلع ڈوڈہ میں ایک ہفتہ کے دوران تین الگ الگ سڑک حادثات میں نو افراد ہلاک جب کہ چھ زخمی ہوئے ہیں ۔</p>