ورن دھون اور سارہ علی خان کا پہلا گانا ’تیری بھابی،قلی نمبر 1‘ریلیز 

<p style="text-align: right;">ورون دھون نے ٹویٹر پر فلمی گانا ’تیری بھابی‘ کا لنک شیئر کرتے ہوئے لکھا – ’آپ کی بھابھی کے ساتھ راجو لے کر آئے ہیں قلی نمبر 1‘کے ساتھ ، پسندیدہ گانا ’تیری بھابھی‘آ گیاہے۔ ’قلی نمبر 1‘ کا پریمیئر ایمیزون پرائم ویڈیو پر25دسمبر کو ہوگا ۔ ’ نیز ورون نے سارہ علی خان ، ڈیوڈ دھون ، واشو بھگنانی ، جیکی بھگنانی اور ہنی بھگنانی کو بھی ٹیگ کیا۔</p>
<p style="text-align: right;">اس گانے میں ورون دھون اور اس کے کچھ دوست پلیٹ فارم اور ٹرین کے سامنے ڈانس کرتے ہوئے نظر آرہے ہیں اور ان کے ہاتھ میں سارہ علی خان کی تصویر ہے جس سے وہ پیار کرتے ہیں۔</p>
<p style="text-align: right;">فلم میں اداکار ورون دھون کو قلی راجو کے طور پر دکھایا گیا ہے ، جو امیر علی کی بیٹی سارہ علی خان کے پیار میں پاگل ہے ۔ گانا ’تیری بھابھی‘کو جاوید محسن ، دیو نیگی اور نیہا ککڑ نے آواز دی ہے۔</p>
<p style="text-align: right;"> اس گانے کو دانش صابری نے لکھا ہے اور اس کی موسیقی جاوید محسن نے دی ہے۔ اس گانے میں ورون دھون اور سارہ علی خان کے مابین زبردست کیمسٹری ہے۔</p>
<p style="text-align: right;">فلم ’قلی نمبر 1‘کرسمس کے موقع پر 25 دسمبر کو ایمیزون پرائم ویڈیو پر ریلیز ہوگی۔ فلم کے ہدایتکار ڈیوڈ دھون ہیں۔ ’قلی نمبر 1‘میں ورون دھون اور سارہ علی کے علاوہ پریش راول ، جاوید جعفری ، راجپال یادو ، جانی لیور اور ساحل وید بھی دکھائی دیں گے۔</p>
<p style="text-align: right;"> پریش راول اداکارہ سارہ علی خان کے والد کا کردار ادا کرتےنظر آئیں گے۔ اس فلم کو وشو بھگنانی ، جیکی بھگنانی اور ہنی بھگنانی نے پروڈیوس کیا ہے۔ اس سے قبل یہ فلم یکم مئی 2020 کو مئی کو ریلیز ہونے والی تھی ، لیکن فلم کی ریلیز کورونا وائرس کی وجہ سے ملتوی کردی گئی ہے۔</p>.