پاکستان میں دریائے سندھ میں کشتی پلٹی، 19 خواتین کی موت

<p dir="RTL" style="text-align: justify;">
<strong>کشتی پر خواتین اور بچوں سمیت 100 سے زائد افراد سوار تھے</strong></p>
<p dir="RTL" style="text-align: justify;">
اسلام آباد، 19 جولائی (انڈیا نیرٹیو)</p>
<p dir="RTL" style="text-align: justify;">
پاکستان میں پنجاب اور سندھ کے سرحدی علاقے کے قریب دریائے سندھ میں ایک کشتی پلٹنے سے کم از کم 19 خواتین ہلاک ہو گئیں۔ حادثہ پیر کو ضلع رحیم یار خان سے تقریباً 65 کلومیٹر دور مچکا میں پیش ا?یا۔ اس کشتی میں خواتین سمیت 100 سے زائد افراد سوار تھے۔ یہ تمام افراد شادی کی تقریب میں شرکت کے بعد واپس ا?رہے تھے۔ غوطہ خور دریائے سندھ میں ڈوبنے والے بقیہ افراد کی تلاش کر رہے ہیں۔</p>
<p dir="RTL" style="text-align: justify;">
پاکستان کے وزیراعظم شہباز شریف نے حادثے میں جاں بحق ہونے والی خواتین کے تئیں اظہار ہمدردی ظاہر کی ہے۔ انہوں نے ٹویٹ کیا کہ رحیم یار خان کے قریب دریائے سندھ میں کشتی پلٹنے سے 19 جانوں کے ضیاع پر دکھ ہوا، اللہ تعالیٰ سے دعا ہے کہ وہ مرنے والوں کو اپنے جوار رحمت میں جگہ دے اور متاثرہ خاندانوں کو صبر جمیل عطا فرمائے۔</p>
<p dir="RTL" style="text-align: justify;">
رحیم یار خان کے ڈپٹی کمشنر سید موسیٰ رضا کے مطابق ماہر غوطہ خوروں، پانچ ایمبولینسز اور ایک واٹر ریسکیو وین سمیت 30 کے قریب امدادی کارکن امدادی کاموں میں مصروف ہیں۔ دریائے سندھ سے اب تک 19 لاشیں نکالی جا چکی ہیں۔ یہ سب خواتین کی لاشیں ہیں۔ ڈپٹی کمشنر کے مطابق دریائے سندھ کا بہاو? بہت تیز ہے، پولیس کے مطابق اب تک کم از کم 35 افراد کو بچا لیا گیا ہے۔</p>