دفاعی سکریٹری جناب گریدھر ارامانے نے 12 فروری 2023 کو بنگلورو میں ایرو انڈیا 2023 کے موقع پر تین دفاعی وفود کے ساتھ دو طرفہ میٹنگ کی۔

سیکرٹری دفاع نے سعودی عرب کے صنعتی تعلقات کے جنرل منیجر انجینئر ترکی سعد سے ملاقات کی اور دو طرفہ دفاعی تعاون کے متعدد امور پر تبادلہ خیال کیا۔

جناب جیڈیجیا پی رائل، پرنسپل ڈپٹی اسسٹنٹ سکریٹری برائے دفاع برائے ہند-بحرالکاہل سیکورٹی امور کی قیادت میں ایک امریکی وفد نے سفیر الزبتھ جونز،  امریکی سفارت خانے  کی  ناظم الامور اور میجر جنرل جولین چیٹر، یو ایس ایئر فورس کے ساتھ، دفاع کے سیکرٹری سے ملاقات کی۔

 موجودہ  اور مستقبل کے دفاعی تعاون سے متعلق امور کے وسیع سلسلے پر تبادلہ خیال کیا گیا۔ امریکہ کئی عہدیداروں، کمپنیوں اور ہوائی جہازوں کے ساتھ ایرو انڈیا میں حصہ لے رہا ہے۔

بعد ازاں سیکرٹری دفاع نے عمان کی  وزارت دفاع کے سیکرٹری جنرل عزت مآب   ڈاکٹر محمد ناصر الزابی کی قیادت میں عمان کے ایک وفد سے ملاقات کی۔ جاری دفاعی تعاون کا جائزہ لیا گیا اور آپسی رابطوں کو مزید گہرا کرنے اور ان کے دائرہ کار کو بڑھانے کے ممکنہ مواقع پر تبادلہ خیال کیا گیا۔