مصری صدرالسیسی کا نئی دلی پہنچے پر والہانہ استقبال،یوم جمہوریہ پر ہوں گے خاص مہمان

مصر کے صدر عبدالفتاح السیسی منگل کو نئی دہلی پہنچے اور ان کا پرتپاک استقبال کیا گیا۔ وہ 74ویں یوم جمہوریہ کی پریڈ میں مہمان خصوصی ہوں گے۔ 24 سے 27 جنوری تک ان کے سرکاری دورے پر پانچ وزراء اور اعلیٰ حکام سمیت ایک اعلیٰ سطحی وفد بھی ان کے ہمراہ ہے۔ نئی دہلی پہنچنے پر عبدالفتاح السیسی کے استقبال کے لیے روایتی لوک رقص پیش کیا  گیا۔

واضح رہے کہ یہ پہلا موقع ہے جب مصر کے صدر کو یوم جمہوریہ پر بطور مہمان خصوصی مدعو کیا گیا ہے۔ قابل ذکر ہے کہ ہندوستان اور مصر اس سال سفارتی تعلقات کے قیام کے 75 سال کا جشن منا رہے ہیں۔ ہندوستان نے اپنی جی 20 صدارت کے دوران مصر کو بطور مہمان ملک مدعو کیا ہے۔

وزارت خارجہ کے جاری کردہ بیان کے مطابق سیسی کا بدھ کو راشٹرپتی بھون میں ایک رسمی استقبال کیا جائے گا۔وہ صدر دروپدی مرمو سے ملاقات کرنے والے ہیں ۔ ورہ  وزیر اعظم نریندر مودی، اور وزیر خارجہ ایس جے شنکر سمیت دیگر، جن کے ساتھ وہ راشٹرپتی بھون میں ایک میٹنگ کریں گے۔ وزارت خارجہ امور کی طرف سے جاری کردہ میڈیا ایڈوائزری کے مطابق، اسی دن، مصری صدر  بابائے قوم مہاتما گاندھی کی سمادھی راج گھاٹ پر  گلہائے عقیدت  پیش کریں گے۔

وہ پی ایم مودی سے ملاقات کریں گے اور اپنے قیام کے دوران باہمی دلچسپی کے دو طرفہ، علاقائی اور عالمی امور پر تبادلہ خیال کریں گے۔اسی شام صدر دروپدی مرمو ایک سرکاری ضیافت کی میزبانی کریں گے۔

یوم جمہوریہ پر سیسی بطور مہمان خصوصی یوم جمہوریہ پریڈ کا مشاہدہ کریں گے۔ مصری فوج کا ایک فوجی دستہ دیگر دستوں کے ساتھ راج پتھ پر مارچ کرے گا۔ سیسی راشٹرپتی بھون میں صدر مرمو کے “ایٹ ہوم” استقبالیہ میں شرکت کریں گے۔