ایرک گارسیٹی ہندوستان میں امریکی سفیر کے طور پر نامزد، سینیٹ کی ہاں کا انتظار

واشنگٹن،4 جنوری (انڈیا نیریٹو)

لاس اینجلس کے سابق میئر ایرک ایم گارسیٹی کو ہندوستان میں امریکی سفیر کے طور پر دوبارہ نامزد کیا گیا ہے۔ گارسیٹی ہندوستانی نژاد ہیں۔ امریکی صدر جو بائیڈن نے اہم انتظامی عہدوں پر پانچ ہندوستانی نژاد امریکیوں کو دوبارہ نامزد کیا ہے۔ ان میں گارسیٹی بھی ہیں۔

پچھلی کانگریس میں سینیٹ سے ان کے ناموں کی تصدیق نہیں کی گئی تھی۔امریکہ میں 118ویں کانگریس کے قانون سازوں نے منگل کو حلف اٹھایا۔ اس کے ساتھ ہی امریکی ایوان نمائندگان کے اسپیکر کے انتخاب کا عمل شروع ہوگیا۔

امریکی صدر جو بائیڈن نے منگل کو لاس اینجلس کے سابق میئر ایرک ایم گارسیٹی کو ہندوستان میں امریکی سفیر کے طور پر نامزد کیا۔ وائٹ ہاؤس نے امید ظاہر کی ہے کہ اس بار گارسیٹی کی تقرری کی امریکی سینیٹ سے توثیق ہو جائے گی۔ وائٹ ہاؤس نے کہا کہ ایرک ایم گارسیٹی کا نام سینیٹ کو بھیج دیا گیا ہے۔ وائٹ ہاؤس نے کہا کہ کیلیفورنیا کے ایرک گارسیٹی ہندوستان میں امریکہ کے سفیر ہوں گے