شنگھائی تعاون تنظیم کی میٹنگ میں حصہ لینے تاشقند پہنچے بھارت کے وزیردفاع راجناتھ

 بھارت کے وزیر دفاع راج ناتھ سنگھ شنگھائی تعاون تنظیم کے وزرائے دفاع کے اجلاس میں شرکت کے لیے ازبکستان کے دارالحکومت تاشقند پہنچ گئے ہیں۔ ائیرپورٹ پر ازبکستان کے وزیر دفاع لیفٹیننٹ جنرل باخودین قربانوف نے ان کا استقبال کیا۔

شنگھائی تعاون تنظیم کے سربراہان کا سربراہی اجلاس آئندہ ماہ 15 اور 16 ستمبر کو ثمرقند میں منعقد ہوگا۔ اس سمٹ میں بھارت، روس، چین، پاکستان، قازقستان، ازبکستان، تاجکستان اور کرغزستان کے سربراہان مملکت شرکت کریں گے۔ اس سے قبل تاشقند میں ان ممالک کے وزرائے دفاع کا اجلاس ہو رہا ہے۔

بھارت کے وزیر دفاع راج ناتھ سنگھ اجلاس میں شرکت کے لیے منگل کو تاشقند پہنچے۔ وہاں انہوں نے ازبکستان کے وزیر دفاع لیفٹیننٹ جنرل بخودیر قربانوف کے ساتھ دو طرفہ ملاقات بھی کی۔ وزرائے دفاع کے اجلاس میں یوکرین اور افغانستان کی صورتحال سمیت علاقائی سلامتی کے چیلنجز پر غور متوقع ہے۔

 شنگھائی تعاون تنظیم کے اجلاس میں ہندوستان کے وزیر اعظم نریندر مودی اور پاکستان کے وزیر اعظم شہباز شریف کی ملاقات بھی متوقع ہے۔ ملاقات کے دوران دونوں ممالک کے وزرائے اعظم دو دن ایک چھت تلے گزاریں گے۔