بھارتی وزیر خارجہ نے برطانوی ہم منصب سے ہندوؤں پر حملے کامعاملہ اٹھایا

برطانیہ میں رہنے والے ہندوستانی نژاد لوگوں کی سلامتی کا مسئلہ اٹھایا

نیویارک، 22 ستمبر (انڈیا نیرٹیو)

 برطانیہ میں ہندوؤں پر حملوں کا معاملہ سنگین شکل اختیار کر رہا ہے۔ بھارتی وزیر خارجہ ایس جے شنکر نے بھی امریکی شہر نیویارک میں اپنے برطانوی ہم منصب جیمز کلیورلی کے ساتھ یہ معاملہ اٹھایا۔

ہندوستانی وزیر خارجہ ایس جے شنکر، جو اقوام متحدہ کی جنرل اسمبلی کے اجلاس میں شرکت کے لیے امریکہ میں ہیں، دنیا بھر کے رہنماؤں سے ملاقات کر رہے ہیں۔

اس سب کے درمیان برطانوی وزیر خارجہ جیمز کلیورلی سے ملاقات میں ہندو مندروں اور برطانیہ میں ہندوؤں پر حملوں کا معاملہ چھایا۔ ہندوستانی وزیر خارجہ نے کلیورلی کے سامنے برطانیہ میں مقیم ہندوستانی نڑاد لوگوں کی سیکورٹی کا معاملہ بھی اٹھایا۔

ڈاکٹر ایس جے شنکر اور جیمز کلیورلی کے درمیان ہونے والی بات چیت میں کئی علاقائی اور بین الاقوامی مسائل پر تبادلہ خیال کیا گیا، لیکن سب سے اہم مسئلہ برطانیہ کے کئی شہروں میں ہندوستانی کمیونٹی پر حالیہ حملے تھے۔

جے شنکر نے برطانیہ میں رہنے والے ہندوستانی کمیونٹی کی حفاظت کے بارے میں تشویش کا اظہار کیا، جس پر انہیں تحفظ کا یقین دلایا گیا۔

بھارتی وزیر خارجہ کی جانب سے ملاقات کے بعد ایک ٹویٹ میں بتایا گیا کہ بھارت نے برطانیہ میں حالیہ واقعات پر اپنی تشویش کا اظہار کیا ہے۔ اس کے ساتھ ہی بھارت سے سخت کارروائی کا مطالبہ بھی کیا گیا ہے۔