مودی نے جی-20 سربراہی اجلاس میں بائیڈن، سنک اور میکرون سے بات کی، جن پنگ سے ہاتھ ملایا

بالی،16 نومبر (انڈیا نیرٹیو)

 وزیر اعظم نریندر مودی نے منگل کو یہاں جی-20 چوٹی کانفرنس کے موقع پر امریکی صدر جو بائیڈن، برطانوی وزیر اعظم رشی سنک، فرانس کے صدر ایمینوئل میکرون اور کئی دیگر عالمی رہنماؤں کے ساتھ غیر رسمی بات چیت کی اور مختلف مسائل پر تبادلہ خیال کیا۔

اس کے علاوہ پی ایم مودی نے عشائیہ میں چینی صدر شی جن پنگ سے ہاتھ ملایا۔

سالانہ جی-20 سربراہی اجلاس کے ایک سیشن کو خطاب کرتے ہوئے، پی ایم مودی نے کہا کہ موسمیاتی تبدیلی، کووڈ- 19 وبائی بیماری اور یوکرین کے بحران سے پیدا ہونے والے عالمی چیلنجوں نے دنیا میں تباہی مچا دی ہے اور عالمی سپلائی تسلسل میں خلل ڈالا ہے۔

ہندوستان کی آئندہ جی-20 صدارت کے تناظر میں، مودی نے کہا کہ انہیں یقین ہے کہ جب جی-20 کا اجلاس (گوتم) بدھ اور (مہاتما) گاندھی کی سرزمین پر ہوگا، تو ہم سب مل کر دنیا امن کا ٹھوس پیغام دیں گے۔

وزیر اعظم کے دفتر (پی ایم او) نے ایک ٹویٹ میں کہا کہ وزیر اعظم نریندر مودی اور امریکی صدر جو بائیڈن نے بالی میں جی-20 سربراہی اجلاس کے موقع پر بات چیت کی۔

انہوں نے سینیگل کے صدر اور افریقی یونین کے چیئرمین میکی سال سے بھی ملاقات کی۔ وزیر اعظم مودی نے نیدرلینڈ کے صدر مارک روٹ سے بھی ملاقات کی۔

پی ایم او نے کہا کہ مودی نے بین الاقوامی مالیاتی فنڈ (آئی ایم ایف) کی منیجنگ ڈائریکٹر کرسٹالینا جارجیوا اور آئی ایم ایف کے ڈپٹی منیجنگ ڈائریکٹر ہندوستان میں پیدا ہونے والی گیتا گوپی ناتھ سے بھی ملاقات کی۔ وزیراعظم نے ورلڈ بینک کے صدر ڈیوڈ ملپاس سے بھی ملاقات کی۔