نئی اسرائیلی کابینہ میں زیادہ تر خواتین وزرا کا تعلق عراق اور مراکش سے ہے

<p dir="RTL" style="text-align: justify;">
اسرائیل میں تشکیل پانے والی نئی اتحادی حکومت میں 9 خواتین وزراءہیں۔ یہ اسرائیل کی تاریخ میں کسی بھی کابینہ کے اندر خواتین کی سب سے زیادہ تعداد ہے۔ العربیہ ڈاٹ نیٹ نے خواتین وزراءکے بارے میں تفصیلات جانیں تو یہ بات سامنے آئی کہ ان میں 5 خواتین عرب نژاد ہیں۔ ان میں 2 کا تعلق مراکش سے اور 3 کا عراق سے بنتا ہے۔</p>
<p dir="RTL" style="text-align: justify;">
مذکورہ عرب نژاد خواتین میں 58 سالہ وزیر اقتصادیات<span dir="LTR">Orna Barbivai </span>شامل ہیں۔ وہ اسرائیلی فوج میں پہلی خاتون ہیں جو میجر جنرل کے عہدے تک پہنچیں۔ اونا کی والدہ نے عراق سے اور والد نے رومانیا سے اسرائیل ہجرت کی تھی۔ وائٹ اینڈ بلیو پارٹی سے تعلق رکھنے والی اورنا 2019سے رکن پارلیمنٹ ہیں۔</p>
<p dir="RTL" style="text-align: justify;">
انہوں نے سماجیات میں گریجویشن اور بزنس ایڈمنسٹریشن میں ماسٹرز کیا۔ اسی طرح عراقی نڑاد خواتین وزراءمیں 45 سالہ<span dir="LTR">Ayelet Shaked </span>بھی ہیں۔ نئی حکومت میں وزیر داخلہ کے منصب پر فائز ہونے والی ایلت کے والد گزشتہ صدی میں 1950ءکی دہائی میں عراق سے ایران کے راستے اسرائیل ہجرت کر گئے تھے۔ ایلت نے الکٹرک انجینئرنگ میں بیلچرز مکمل کیا اور پھر کمپیوٹر سائنس کی تعلیم حاصل کی۔ وہ اسرائیلی فوج میں بھی خدمت انجام دے چکی ہیں۔</p>
<p dir="RTL" style="text-align: justify;">
نئی حکومت میں وزیر تعلیم کا عہدہ 48 سالہ<span dir="LTR">Yifat Shasha-Biton </span>کے پاس ہے۔ یفعات شاشا کی والدہ مراکش میں نرس کے پیشے سے وابستہ تھیں جب کہ والد کا تعلق عراق سے ہے۔ اسرائیلی ہجرت سے قبل وہ ٹرانسپورٹ کے کاروبار سے وابستہ تھے۔نئی حکومت میں سماجی مساوات کا قلم دان 38 سالہ<span dir="LTR">Meirav Cohen </span>سنبھالیں گی۔</p>
<p dir="RTL" style="text-align: justify;">
ان کے والدین کا تعلق مراکش سے ہے۔ ان دونوں نے اسرائیل ہجرت کی۔ میراو ¿ نے اکنامکس اور بزنس ایڈمنسٹریشن میں ماسٹرز کیا۔ اسی طرح 44 سالہ<span dir="LTR">Karine Elharrar-Hartstein </span>کا تعلق بھی مراکش کے ایک گھرانے سے ہے جو گذشتہ صدی میں 1950ءکی دہائی میں اسرائیل منتقل ہو گیا۔ کیرین نے قانون میں ماسٹرز کی ڈگری حاصل کی۔ وہ نئی حکومت میں وزیر توانائی کے طور پر کام کریں گی۔اسرائیلی حکومت میں وزارت ہجرت کا قلم دان 40 سالہ<span dir="LTR">Pnina Tamano-Shata </span>کو دیا گیا ہے۔ وہ ایتھوپیا میں پیدا ہوئیں اور پھر 3 سال کی عمر میں اپنے والدین اور بہن بھائیوں کے ساتھ اسرائیل ہجرت کر گئیں۔ وہ قانون کے تعلیمی ادارے سے فارغ التحصیل ہیں۔</p>
<p dir="RTL" style="text-align: justify;">
 وہ پہلی ایتھوپین نڑاد ہیں جنہوں نے اسرائیلی پارلیمنٹ میں نشست جیتی۔ ان کا تعلق بلیو اینڈ وائٹ پارٹی سے ہے۔نئی کابینہ میں ہمیں 54 سالہ ریڈیو اور ٹی وی پیش کار اور صحافتی کارکن<span dir="LTR">Merav Michaeli </span>بھی نظر آتی ہیں۔ اسرائیل میں مشہور شخصیت رکھنے والی میراو ¿ "ورک پارٹی" کی سربراہ ہیں۔ ان کے خاندان کا تعلق ہنگری سے ہے۔ میراو ¿ کے پاس ٹرانسپورٹ کی وزارت ہے۔ ماحولیات کے تحفظ کی 44 سالہ اسرائیلی خاتون وزیر<span dir="LTR">Tamar Zandberg </span>پارلیمنٹ میں "میرٹس پارٹی" کی رکن ہیں۔ وہ اسرائیل کے سابق فٹبالر مائیکل زینڈبرگ کی بہن ہیں۔اسرائیلی حکومت میں خواتین وزراءمیں آخری نام 50 سالہ<span dir="LTR">Orit Farkash-Hacohen </span>کا ہے۔ وہ وزارت سائنس و تخلیق کا قلم دان سنبھالیں گی۔ اوریت گزشتہ حکومت میں سیاحت کی وزیر کے منصب پر کام کر رہی تھیں۔ ان کا تعلق "بلیو اینڈ وائٹ" پارٹی سے ہے۔</p>