نارائن مورتی نے داماد رشی سنک کو دی مبارکباد، کہا ہمیں ان پر فخر ہے

نارائن مورتی نے داماد رشی سنک کو دی مبارکباد، کہا ہمیں ان پر فخر ہے

نئی دہلی،25اکتوبر(انڈیا نیرٹیو)

انفوسس کے شریک بانی این آر نارائن مورتی نے اپنے داماد رشی سنک کو برطانیہ کا اگلا وزیر اعظم منتخب ہونے پر مبارکباد دی ہے۔ نارائن مورتی نے اپنے پہلے ردعمل میں کہا کہ ہمیں ان پر فخر ہے۔ ہم ان کی کامیابی چاہتے ہیں۔

نارائن مورتی نے منگل کے روز  اپنا ردعمل دیتے ہوئے کہا کہ ہمیں یقین ہے کہ وہ برطانیہ کے لوگوں کے لیے اپنی پوری کوشش کریں گے۔ 42 سالہ رشی سنک نے پیرکے روز کنزرویٹیو پارٹی کی قیادت میں وزیر اعظم کے عہدے کی دوڑ جیت لی۔ اب وہ برطانیہ کے ہندوستانی نژاد پہلے وزیر اعظم بننے کے لیے تیار ہیں۔

ہندوستانی نژاد رشی سنک برطانیہ کے وزیر اعظم کا عہدہ سنبھالنے جا رہے ہیں۔ دیوالی پر، وہ کنزرویٹیو پارٹی کے لیڈر کے طور پر بلامقابلہ منتخب ہوئے تھے۔ اس کے بعد ان کے لیے پی ایم بننے کا راستہ صاف ہوگیا۔ سنک کے برطانیہ کے وزیر اعظم بننے کی خبر ملتے ہی ہندوستان میں خوشی کی لہر دوڑ گئی ہے۔

قابل ذکر ہے کہ ایک فارماسسٹ ماں اور ڈاکٹر باپ کے بیٹے سنک نے انگلینڈ کے سب سے مشہور اسکولوں میں سے ایک ونچسٹر اور پھر آکسفورڈ میں تعلیم حاصل کی۔ انہوں نے گولڈمین سیکس گروپ انک کمپنیمیں تین سال تک کام کیا اور بعد میں اسٹینفورڈ، کیلیفورنیا سے ایم بی اے کیا، جہاں ان کی ملاقات نارائن مورتی کی بیٹی اکشتا مورتی سے ہوئی۔ سنک نے 2009 میں اکشتا سے شادی کی۔ سنک جوڑے کی دو بیٹیاں کرشنا اور انوشکاہیں۔