شمالی کوریا کے میزائل تجربے سے جاپان اور جنوبی کوریا میں ہلچل

 امریکہ سمیت کئی سپر پاورز کی دھمکیوں کے باوجود شمالی کوریا اپنی میزائل تجربات کی رفتار سے باز نہیں آرہا ہے۔ شمالی کوریا نے ایک بار پھر بیلسٹک میزائل داغا ہے۔ اس کے بعد پڑوسی ممالک جاپان اور جنوبی کوریا میں ہلچل مچ گئی ہے۔

جزیرہ نما کوریا میں گزشتہ چند دنوں سے کافی کشیدگی پائی جاتی ہے۔ شمالی کوریا کے مسلسل میزائل تجربات کے درمیان گزشتہ دنوں جنوبی کوریا اور امریکی فوج نے مشترکہ فوجی مشقیں کی تھیں۔ احتجاج کے طور پر شمالی کوریا نے گزشتہ ہفتے درجنوں میزائل داغے اور جنگی طیاروں کی مشقیں کیں۔ صورتحال ایسی بن گئی تھی کہ جنوبی کوریا اور جاپان کو اپنے شہریوں کو محفوظ مقام پر جانے کے لیے کہنا پڑا۔ اس سارے عمل کے بعد بھی شمالی کوریا کے آمر کم جونگ پیچھے ہٹنے کو تیار نہیں۔

جنوبی کوریا کی سیول فوج کے حوالے سے بتایا گیا ہے کہ شمالی کوریا نے ایک بار پھر بیلسٹک میزائل داغا ہے، جس پر جاپان اور جنوبی کوریا کی حکومتوں نے برہمی کا اظہار کیا ہے۔ جاپان کے وزیر اعظم فومیو کشیدانے حکام کو ہدایت کی کہ وہ معلومات جمع کرنے، تجزیہ کرنے اور عوام کو تیزی سے فراہم کرنے کے لیے زیادہ سے زیادہ کوشش کریں۔ کشیدا نے حکام سے کہا ہے کہ وہ ہوائی جہاز، بحری جہاز اور دیگر اثاثوں کی حفاظت کو یقینی بنائیں۔ ہنگامی حالات کے لیے تیاری سمیت تمام ممکنہ احتیاطی تدابیر اختیار کرنے کو کہا گیا ہے۔