وزیراعظم نے برطانیہ کے عزت مآب چارلس سوئم سے ٹیلیفون پر بات کی

وزیراعظم جناب نریندر مودی نے آج برطانیہ کے عزت مآب جناب شاہ چارلس سوئم سے ٹیلیفون پر بات کی۔

برطانیہ کے شاہ کا عہدہ سنبھالنے کے بعد سے یہ وزیراعظم کی ان کے ساتھ پہلی بات چیت تھی۔ لہذا وزیراعظم نے شاہ چارلس کو کامیاب دور اقتدار کے لئے نیک تمنائیں پیش کیں۔

اس گفتگو کے دوران باہمی دلچسپی کے کئ امور زیر غور آئے. جن میں آب و ہوا سے متعلق کارروائی، حیاتیاتی تنوع کے تحفظ، انرجی ٹرانزیشن کی مطلوبہ رقومات کے لئے اختراعی اقدامات وغیرہ شامل ہیں۔ وزیراعظم نے ان معاملات میں عزت مآب شاہ کی گہری دلچسپی اور وکالت کے لئے ان کی تعریف کی۔

وزیراعظم نے عزت مآب شاہ چارلس کو گروپ-20 کے لئے ہندوستان کی ترجیحات سے آگاہ کرایا. جن میں ڈیجیٹل عوامی مصنوعات کا فروغ بھی شامل ہے۔ انہوں نے مشن لائف کی اہمیت کو بھی اجاگر کیا. جو ماحولیات کے لئے طرز زندگی سے متعلق ہے. جس کے ذریعے ہندوستان ماحولیات کے لئے سازگار طرز زندگی کو فروغ دینے کے لئے کوشاں ہے۔

دونوں لیڈروں نے کامن ویلتھ آف نیشنز پر تبادلۂ خیال کیا اور اس بات پر غور کیا کہ اس کی کارکردگی کو کس طرح بہتر بنایا جا سکتا ہے۔ انہوں نے برطانیہ میں آباد ہندوستانی برادری کی دونوں ملکوں کے درمیان پُل کا کام کرنے اور دوطرفہ تعلقات کو مستحکم کرنے کے لئے ان کے رول کی ستائش کی۔