روسی صدر پوتن نے’بین الاقوامی استحکام کو یقینی بنانے’میں ہندوستان کے تعاون کو یادکیا

روس کے صدر ولادیمیر پوتن نے جمعرات کو ہندوستان کو اس کے 74 ویں یوم جمہوریہ پر مبارکباد دی۔ کریملن کی ویب سائٹ پر شیئر کیے گئے ایک بیان میں، پوتن نے “بین الاقوامی استحکام اور سلامتی کو یقینی بنانے میں ہندوستان کی خاطر خواہ شراکت” اور علاقائی اور عالمی ایجنڈے سے متعلق مسائل کو حل کرنے کی تعریف کی۔

بیان میں روسی صدر کا حوالہ دیتے ہوئے کہا گیا، “معاشی، سماجی، سائنسی، تکنیکی اور دیگر شعبوں میں ہندوستان کی کامیابیوں کو بڑے پیمانے پر جانا جاتا ہے۔ آپ کا ملک بین الاقوامی استحکام اور سلامتی کو یقینی بنانے اور  علاقائی اور عالمی ایجنڈا کےاہم مسائل کو حل کرنے میں خاطر خواہ تعاون کر رہا ہے۔

 پوتن نے اس بات پر زور دیا کہ روس نے دونوں ممالک کے درمیان مراعات یافتہ اسٹریٹجک تعلقات کو بہت اہمیت دی ہے۔ انہوں نے اس اعتماد کا اظہار کیا کہ روس اور ہندوستان تمام شعبوں میں “باہمی طور پر فائدہ مند دوطرفہ تعاون” کی مسلسل ترقی کو یقینی بنانے کے لیے مل کر کام کریں گے۔ انہوںنے کہا کہ ہم نے اپنی ریاستوں کے درمیان مراعات یافتہ اسٹریٹجک پارٹنرشپ کے تعلقات کو بہت اہمیت دی ہے۔

مجھے یقین ہے کہ مل کر کام کرنے سے ہم تمام شعبوں میں باہمی فائدہ مند دو طرفہ تعاون کی مسلسل ترقی کو یقینی بنا سکتے ہیں۔ یہ بلاشبہ روس اور ہندوستان کے دوست لوگوں کے بنیادی مفادات کو پورا کرتا ہے ۔

اس سے پہلے  ہندوستان میں روسی سفارت خانے نے بھی یوم جمہوریہ پر مبارکباد دی۔ روسی سفارت خانے نے پوسٹ کیا، “ہمارے تمام ہندوستانی دوستوں کو  یوم جمہوریہ کی بہت بہت مبارکباد!