عالمی تجارتی ادارے کی کورونا کی نئی قسم کی وجہ سے اہم میٹنگ منسوخ ، جینوا میں بھی ہنگامہ

<p dir="RTL" style="text-align: justify;">
ورلڈ ٹریڈ آرگنائزیشن نے کورونا کے نئے ویرینٹ اومیکرون کی وجہ سے اپنا اہم اجلاس منسوخ کر دیا ہے۔ یہ قدم سوئٹزرلینڈ میں نئی  سفری پابندیوں کے نفاذ کے پیش نظر اٹھایا گیا ہے۔ جنیوا میں تنظیم کے ایک اہلکار نے یہ اطلاع دی۔</p>
<p dir="RTL" style="text-align: justify;">
جنیوا میں ڈبلیو ٹی او کے ہیڈکوارٹر میں منعقد ہونے والی ایم سی 12 کانفرنس میں ماہی گیری کے لیے سبسڈی پر طویل عرصے سے انتظار کئے جا رہے    معاہدے اور کورونا ویکسین سے متعلق پیٹنٹس اور دیگر دانشورانہ املاک کے تحفظ کے قوانین سے مستثنیٰ ہونے کی کوششوں جیسے اہم امور پر تبادلہ خیال کرنا تھا۔</p>
<p dir="RTL" style="text-align: justify;">
سوئٹزرلینڈ کے محکمہ صحت کے مطابق جنوبی افریقہ سے آنے والی تمام براہ راست پروازوں پر پابندی عائد کر دی گئی ہے۔ اس کے علاوہ بیلجیم، ہانگ کانگ اور اسرائیل جیسے دیگر ممالک سے آنے والے تمام لوگوں کو کورونا منفی رپورٹ دکھانا ہوگی۔ اس کے علاوہ انہیں 10 دن تک آئسولیشن میں رہنا پڑے گا۔</p>
<p dir="RTL" style="text-align: justify;">
کورونا وائرس کی اس نئی قسم کو اومیکرون کا نام دیا گیا ہے اور اسے 'ویریئنٹس آف کنسرن' کے زمرے میں رکھا گیا ہے۔ نئی قسم کی پہلی بار اس ہفتے جنوبی افریقہ میں شناخت کی گئی۔ اس کے بعد یہ بوتسوانا سمیت افریقہ کے دیگر ممالک میں پھیل گیا۔ یہ تشویشناک بات ہے کہ ان جگہوں پر ویکسین لگنے کے بعد بھی لوگ اس سے متاثر ہو رہے ہیں۔ نیا ویرینٹ ملنے کے بعد، جنوبی افریقہ میں کیسز میں چار گنا تک اضافہ ہوا ہے۔ اس ویرینٹ سے گھبرا کر بہت سے ممالک نے پابندیاں سخت کرتے ہوئے اپنی سرحدیں بند کر دی ہیں۔</p>