تہران،27دسمبر(انڈیا نیریٹو)

کل سوموار کوامریکی محکمہ خارجہ نے ایران میں ضمیر کے قیدیوں کی غیر مشروط رہائی کا مطالبہ کیا ہے۔امریکی محکمہ خارجہ کے ترجمان نیڈ پرائس نے پرامن طریقے سے اپنی آزادیوں کا استعمال کرنے پر ایران میں قید تمام افراد کی غیر مشروط رہائی کا مطالبہ کیا۔’ٹویٹر‘ پر پرائس نے اس ماہ کے شروع میں اقوام متحدہ کی خواتین کی کمیٹی سے تہران کے اخراج کے بعد ایران کی خواتین کے لیے واشنگٹن کی حمایت کا حوالہ دیا۔

امریکی ترجمان نے مزید کہا کہ ایرانی خواتین کی اپنے حقوق تک رسائی کے لیے جدوجہد جاری ہے۔امریکی سینیٹ کی خارجہ تعلقات کمیٹی نے صدر جو بائیڈن کی انتظامیہ کی تعریف کی ہے کہ جو ایران میں مظاہروں کے خلاف “اندھا دھند تشدد” کے مرتکب اہلکاروں کو ذمہ داروں کو جوابدہ ٹھہرا رہی ہے۔کمیٹی نے اتوار کے روز اپنے ’ٹویٹر‘ اکاوؤنٹ پر کہا کہ اسے ایرانی حکومت کی طرف سے مقدمے اور پھانسیوں کی بڑھتی ہوئی رفتار کا “زبردست جواب” دینا چاہیے۔ایران میں مظاہرے 100 دن سے تجاوز کرگئے ہیں۔ حکومت کی جانب سے اس پر وحشیانہ دباو ڈالنے اور دہشت پھیلانے کے لیے کچھ شرکاءکوپھانسی دینے کے باوجود بعض شہروں میں سخت موسم اور برف باری میں بھی احتجاج جاری ہے