امریکہ نے چین کی چھ آئی ٹی کمپنیوں کو کر دیا بلیک لسٹ

واشنگٹن، 11 فروری (انڈیا نیریٹو)

چین کے جاسوس غبارے کو مار گرانے کے بعد امریکہ نے ڈریگن کو ایک اور جھٹکا دے دیا ہے۔ امریکہ نے جمعہ کو چھ چینی آئی ٹی کمپنیوں کو بلیک لسٹ میں ڈال دیا ہے۔ یہ اطلاع امریکہ کے معروف اخبار نیویارک ٹائمز نے دی ہے۔

نیویارک ٹائمز کے مطابق، گزشتہ ہفتے امریکی فضائی حدود میں داخل ہونے والے چینی جاسوس غبارے کے جواب میں، جو بائیڈن انتظامیہ نے ان کمپنیوں پر پابندی عائد کرتے ہوئے ان کے کچھ آئی ٹی سامانوں کی فروخت پر بھی پابندی عائد کر دی ہے۔

ان کمپنیوں میں بیجنگ نانجیانگ ایرو اسپیس ٹیکنالوجی کمپنی، الیکٹرانکس ٹیکنالوجی گروپ کارپوریشن 48 ویں ریسرچ انسٹی ٹیوٹ، ڈونگ گوان لنگ کانگ ریموٹ سینسنگ ٹیکنالوجی، ایگلز مین ایوی ایشن سائنس اینڈ ٹیکنالوجی گروپ کمپنی گوانگ زو اور شانکسی ایگلز مین ایوی ایشن سائنس اینڈ ٹیکنالوجی گروپ کمپنیاں شامل ہیں۔