امریکہ: خالصتان حامیوں کے ذریعہ صحافی کے ساتھ مار پیٹ معاملے میں ہندوستان سخت

واشنگٹن، 26 مارچ (انڈیا نیرٹیو)

 خالصتان حامیوں کے تشدد کے واقعات میں مسلسل اضافہ ہو رہا ہے۔ امریکہ میں ہندوستانی سفارت خانے کے باہر احتجاج کرنے والے خالصتان حامیوں نے ہندوستانی صحافی کے ساتھ گالی گلوچ کرکے مار پیٹ کی۔

ساتھ ہی بھارتی سفارت خانے کو سبوتاڑ کرنے کی دھمکیاں دیتے ہوئے بھارتی سفیر ترنجیت سندھو کو بھی دھمکیاں دی گئیں۔ اس مظاہرے کے دوران ڈی ایم وی علاقے کے مختلف حصوں سے تقریباً 50 خالصتان حامی موجود تھے۔

امریکہ میں ہندوستانی سفارت خانے نے اس پورے واقعہ کی سخت مذمت کی ہے۔ سفارت خانے کی جانب سے بیان جاری کیا گیا جس میں کہا گیا کہ صحافی کے ساتھ بدسلوکی کی پریشان کن ویڈیو منظر عام پر آیا ہے، پہلے صحافی کے ساتھ بدکلامی کی گئی پھر تشدد کیا گیا۔ خالصتان حامی مسلسل پرتشدد سرگرمیوں میں ملوث ہیں۔