امریکی صدر کی سیکورٹی میں چوک، نو فلائی زون میں داخل ہوا طیارہ

<p dir="RTL" style="text-align: justify;">
<strong>بائیڈن اور ان کی اہلیہ کو سیف ہاؤس بھیجا گیا</strong></p>
<p dir="RTL" style="text-align: justify;">
واشنگٹن، 5 جون (انڈیا نیرٹیو)</p>
<p dir="RTL" style="text-align: justify;">
 ایک چھوٹا نجی طیارہ ہفتہ کے روز بھول سے صدر جو بائیڈن کے ڈیلاویئر واقع ویکیشن ہوم کے فضائی حدود میں داخل ہو گیا۔ اس کی وجہ سے صدر اور ان کی اہلیہ کو ان کی رہائش گاہ سے ہٹا کر سیف ہاؤس بھیج دیا گیا۔ وائٹ ہاؤس نے کہا کہ صدر بائیڈن یا ان کے خاندان کو کوئی خطرہ نہیں ہے۔ فوری طور پر احتیاطی تدابیر اختیار کی گئیں۔ صورت حال کا جائزہ لینے کے بعد بائیڈن اور ان کی اہلیہ جل ریہوبوتھ، ساحل سمندر واقع اپنے گھر واپس آگئے۔</p>
<p dir="RTL" style="text-align: justify;">
یونائیٹڈ اسٹیٹس سیکرٹ سروس کمیونیکیشن کے سربراہ اینتھونی گگللمی نے بتایا کہ نجی طیارہ غلطی سے ریہوبوتھ ڈیلاویئر کی ممنوعہ فضائی حدود میں دوپہر ایک بجے کے قریب داخل ہوگیا۔ اس کے فوراً بعد طیارے کو ممنوعہ فضائی حدود سے باہر نکال دیا گیا۔ ابتدائی جانچ سے پتہ چلا کہ پائلٹ مناسب ریڈیو چینل پر نہیں تھا ساتھ ہی وہ نوٹس ٹو ایئرمین کی تعمیل نہیں کر رہا تھا اور مقررہ راستے کی بھی تعمیل نہیں کر رہا تھا۔ امریکی خفیہ سروس پائلٹ سے پوچھ تاچھ کرے گی۔ فیڈرل ایوی ایشن ایڈمنسٹریشن نے صدر کے واشنگٹن سے روانہ ہونے پر پروازوں کی پابندیوں کا اعلان کیا۔</p>
<p dir="RTL" style="text-align: justify;">
قابل ذکر ہے کہ اس سے قبل اگست 2017 میں روسی فضائیہ کے ایک جیٹ نے امریکی کیپیٹل، پینٹاگون، سی آئی اے ہیڈ کوارٹرز اور جوائنٹ بیس اینڈریوز کے اوپر سے کم اونچائی پر پرواز کی تھی۔ یہ پرواز ایک معاہدے کا حصہ تھی جس کے تحت امریکہ اور روس اور دیگر ممالک کے فوجی طیاروں کو 34 دستخط کرنے والے ممالک کے فوجی مقامات کا معائنہ کرنے کے لیے فضائی مشاہداتی پروازیں اڑانے کی اجازت ملتی ہے۔</p>