طالبان کے تئیں ہندوستان کا رخ کیا ہوگا؟ طالبان کو ہندوستان سے بہتر رشتے کی کیوں ہے توقع؟

<p dir="RTL" style="text-align: justify;">
نئی دہلی. افغانستان میں اقتدار بدل گیا ہے۔ کابل پر قبضے کے بعد طالبان<span dir="LTR">Taliban </span>نئی حکومت بنانے کے لیے تیار ہے۔ اس درمیان طالبان کے ترجمان شاہین سہیل نے<span dir="LTR">CNN-NEWS18 </span>سے خصوصی گفتگو کرتے ہوئے بتایا ہے کہ افغانستان میں اگلی حکومت کیسی ہوگی۔ ساتھ ہی انہوں نے امید ظاہر کی ہے کہ ہندستان کے ساتھ تعلقات بھی مستقبل میں بہتر ہوں گے۔ انہوں نے کہا کہ تنظیم کو امید ہے کہ ہندستان اپنا موقف تبدیل کرے گا اور طالبان کی حمایت کرے گا۔ آپ کو بتادیں کہ افغانستان کے صدر اتوار کو ملک چھوڑ گئے۔ طالبان نے دارالحکومت میں اہنے پاؤں پسار لئےہیں اور شدت پسند گروپ کے ایک عہدیدار نے کہا کہ وہ جلد ہی کابل میں راشٹرپتی بھون سے 'اسلامی امارات آف افغانستان' بنانے کا اعلان کرے گا۔</p>
<p dir="RTL" style="text-align: justify;">
طالبان کے ترجمان نے کہا ، "مجھے امید ہے کہ وہ (ہندستان) بھی اپنی پالیسیاں تبدیل کرے گا کیونکہ پہلے وہ اس حکومت کے حق میں تھے جو تھوپی گئی تھی۔" یہ دونوں فریقوں ، بھارت اور افغانستان کے لوگوں کے لیے اچھا ہوگا۔</p>
<p dir="RTL" style="text-align: justify;">
ہندستان نے اپنے سفارتکاروں اور شہریوں کو نکالنے کا عمل تیز کر دیا ہے اور انہیں اگلے 48 گھنٹوں میں نکال لیا جائے گا۔ حالانکہ سہیل نے یقین دلایا کہ وہ تمام غیر ملکی سفارت خانوں کو سکیورٹی فراہم کرائیں گے۔ انہوں نے کہا کہ اب صورتحال یہ ہے کہ ہم تمام سفارت خانوں اور سفارتکاروں کے لیے محفوظ ماحول فراہم کریں گے۔ دوسرے ممالک میں ہمارے سفارتخانوں کے حوالے سے اس کا فیصلہ حکومت کے قیام کے بعد کیا جائے گا۔</p>
<p dir="RTL" style="text-align: justify;">
انہوں نے آگے کہا، 'دنیا کے تمام ممالک کے ساتھ تعاون کرنا ہماری پالیسی ہے۔ اب ایک نیا باب کھل گیا ہے ، وہ ہے ملک کی تعمیر، لوگوں کی معاشی ترقی، تمام ممالک کے درمیان امن کا ایک باب ، خاص طور پر ہمارے آس پاس کے ممالک میں۔ ہمیں دوسرے ممالک کے تعاون کی ضرورت ہے۔ ہمارا ارادہ ملک کی دوبارہ تعمیر کرنا ہے اور یہ دوسرے ممالک کے تعاون کے بغیر نہیں کیا جا سکتا۔</p>
<p dir="RTL" style="text-align: justify;">
انہوں نے یہ بھی کہا کہ یہ طالبان حکومت کا نیا ورژن بننے والا ہے۔ پہلے ہمیں حکومت چلانے کا تجربہ نہیں تھا  لیکن 20-25 سال کے بعد ہمیں حکومت چلانے اور دوسرے ممالک کے ساتھ تعلقات قائم کرنے کا تجربہ ہے۔ ہم اپنے ملک کی تعمیر نو اور قومی انضمام پر بھی توجہ دیں گے۔</p>