این آئی اے عدالت میں ہوگی پیشی

پٹنہ، 2 جولائی(انڈیا نیرٹیو)

دربھنگہ دھماکہ معاملہ میں حیدرآباد سے گرفتار دو بھائی عمران ملک اور ناصر خان کو لے کر اے ٹی ایس ٹیم جمعہ کی صبح پٹنہ پہنچی۔ آج دونوں کو این آئی اے عدالت میں پیش کیا جاسکتا ہے جہاں این آئی اے دونوں کے ٹرانزٹ ریمانڈ کا مطالبہ کرسکتی ہے۔ فی الحال اسے اے ٹی ایس کی عمارت میں رکھا گیا ہے جہاں افسران اس سے پوچھ گچھ کررہے ہیں۔

عمران اور ناصر کو تلنگانہ کاؤنٹر انٹلی جنس اور بہار پولیس نے گرفتار کیا تھا۔ 28 جون کو پولیس نے اس بارے میں معلومات دی تھی۔ دربھنگہ میں ریلوے اسٹیشن احاطہ کے اندر 17 جون کو دھماکہ ہوا تھا۔ اس معاملے کی جانچ میں بہار، یوپی اور تلنگانہ اے ٹی ایس کے علاوہ این آئی اے بھی شامل ہے۔

 دھماکے کے پیچھے دہشت گرد تنظیم کی بڑی سازش کا امکان ہے۔ چونکہ اس معاملے کی تفتیش آگے بڑھ رہی ہے، اس کے پیچھے غیر ملکی تاروں اور دہشت گردی کی ایک بڑی سازش کا انکشاف ہو رہا ہے۔ کہا جارہا ہے کہ ٹرین کے اندر پارسل بھیجنے کا مقصد انتہائی خطرناک تھا۔ یہ بہار کو ہلا دینے کی سازش تھی۔

 خوش قسمتی سے اس وقت جب دربھنگہ جنکشن پہنچنے کے بعد پارسل میں دھماکا ہوا، حالات ایسے تھے کہ کوئی بڑا نقصان نہیں ہوا۔ اس واقعے میں کوئی زخمی نہیں ہوا تھا۔ یہ ٹرین کی پارسل وین سے اسٹور سائٹ جانے والی کپڑے کا بنڈل لے کر جاتے ہوئے پھٹا۔ یہ پارسل سکندرآباد سے آنے والی ٹرین سے آیا تھا اور دھماکے کے بعد کپڑے کے بنڈل میں آگ لگ گئی۔

اس سلسلے میں دونوں بھائیوں کو گرفتار کیا گیا ہے۔ جمعہ کے روز دونوں کو فلائٹ کے ذریعے پٹنہ لایا گیا تھا۔ صبح اے ٹی ایس اور این آئی اے کی گاڑیوں کے ایک قافلے نے انہیں پٹنہ ایئرپورٹ سے باہر لے جایاگیا۔بتایا جارہا ہے کہ اے ٹی ایس کے دفتر لے جایا گیا۔ بتایا جارہا ہے کہ اے ٹی ایس اور این آئی اے دونوں اعلی عہدیدار ان سے پوچھ گچھ کررہے ہیں۔

دونوں پارسل کی بکنگ میں شامل تھے

ایک افسرنے بتایا کہ دونوں سکندر آباد ریلوے اسٹیشن پر پارسل کی بکنگ میں مبینہ کردار کے لئے حراست میں لیا گیا ہے۔ انہوں تفصیلات فراہم کرنے سے انکار کر دیا۔ یہ پوچھے جانے پرکہ کیا پولیس کو دھماکے میں عسکریت پسندی کے زاویے پر شبہ ہے، انہوں نے کہا کہ اس معاملے کی تفتیش جاری ہے۔

پارسل دربھنگہ کے لیے مگر نمبر شاملی کا

دربھنگہ اسٹیشن پر جمعرات کے روز پارسل میں دھماکہ ہوا، اسے سفیان نام کے شخص نے سکندر آباد سے بھیجا تھا۔ دربھنگہ میں جسے پارسل لینا تھا اس کا بھی نام سفیان ہی ہے۔ اب تک نہ تو تلنگانہ والے سفیان کو تلاش سکے ہیں اور نہ ہی دربھنگہ والے۔شبہ ہے کہ پارسل بھیجنے کے لئے جعلی نام استعمال کیا گیا تھا۔ اس کی ایک اور وجہ بھی ہے۔ غلط موبائل نمبر۔ پارسل پر دیا ہوا موبائل نمبر بھی تلنگانہ اور بہار کے کسی فرد کا نہیں ہے۔

 کہا جاتا ہے کہ مذکورہ موبائل نمبر اترپردیش کے شملی سے ہے۔ حالانکہ اس شخص کے بارے میں معلومات نہیں دی گئی ہے جس کے نام کا یہ موبائل نمبر درج ہے۔ جعلی نام،پتے کے بعد شملی کے ایک شخص کا موبائل نمبر سامنے آنے کے بعد تفتیشی ایجنسیاں اور زیادہ چوکس ہوگئیں۔ پارسل کے پیچھے کسی گہری سازش کے امکان کے پیش نظر ہر پہلو پر تحقیقات کی جارہی ہیں۔ حالانکہ ابھی تک کسی کو پوچھ گچھ کے لیے تحویل میں نہیں لیا گیا ہے۔ تفتیشی ایجنسیاں پہلے ان ملزمان تک پہنچنے کی کوشش کر رہی ہیں جن کا اس پارسل سے تعلق ہے۔

پارسل بھیجنے کا مقصد سمجھ سے باہر

کپڑے کے علاوہ پارسل میں ایک شیشی میں کچھ کیمیکل پائے گئے تھے جس سے دربھنگہ اسٹیشن پر دھماکا ہوا تھا۔ دھماکے کی وجہ سے کپڑوں پر بھی جلنے کا نشان تھا اور جس شیشی میں کیمیکل رکھا گیا تھا اس میں پھٹا پڑا تھا۔ دھماکا زور سے نہیں ہو اتھا، یہ آتش بازی کی طرح لگ رہا تھا۔ حکام کو ابھی تک یقین نہیں ہے کہ دھماکے کی وجہ کیا ہے۔ اگر پارسل بم ہوتا تو دھماکہ زوروں سے ہوتا۔ لیکن اگر یہ دھماکہ کیمیکل کی وجہ سے ہوا ہے تو پھر اسے کپڑے کے ساتھ بھیجنے کا کیا مقصد ہوسکتا ہے۔