نئی دہلی، 06 جولائی (انڈیا نیرٹیو)
آرمی چیف جنرل ایم ایم نرونے 5 جولائی کو برطانیہ کے دو روزہ دورے پر آئے اور انہوں نے برطانیہ کے چیف آف ڈیفنس اسٹاف (سی ڈی ایس) جنرل سر کارٹر سے ملاقات کی۔ لندن میں ہندوستانی ہائی کمیشن کا کہنا ہے کہ جنرل نرونے نے سی ڈی ایس کارٹر سے بات چیت کی اور دوطرفہ دفاعی تعاون پر تبادلہ خیال کیا۔ منگل کی صبح برطانوی فوج نے ہارس گارڈز پریڈ اسکوائر میں گارڈ آف آنر کے ذریعے جنرل نرونے کا استقبال کیا۔ اس کے بعد، جنرل نرونے اپنے یورپ کے دوسرے مرحلے میں 7-8 جولائی کو اٹلی جائیں گے۔
بھارتی ہائی کمیشن نے ایک بیان میں کہا ہے کہ جنرل نرونے 5 جولائی کو برطانیہ کے دو روزہ دورے پر آئے تھے۔ برطانیہ کے اپنے یوروپی دورے کے موقع پر، جنرل نرونے برطانیہ کے سکریٹری برائے مملکت برائے دفاع بین والیس اور چیف آف جنرل اسٹاف جنرل سر مارک کارلیٹن اسمتھ سے بھی ملاقات کریں گے۔ جنرل ایم ایم نرونے نے برطانیہ کے چیف آف ڈیفنس اسٹاف (سی ڈی ایس) جنرل سر کارٹر سے بات چیت کی اور دوطرفہ دفاعی تعاون پر تبادلہ خیال کیا۔
منگل کے روز آرمی کے ایڈیشنل ڈائریکٹوریٹ جنرل پبلک انفارمیشن نے ٹویٹ کیا کہ ہارس گارڈز پریڈ اسکوائر میں آج صبح برطانوی فوج کے ذریعہ بھارتی چیف آف آرمی اسٹاف جنرل نرونے کا استقبال کیا گیا۔ جنرل نرونے نے گرینیڈیئر گارڈز کے ذریعہ پیش کردہ گارڈ آف آنر کا معائنہ کیا۔ آرمی چیف جنرل نرونے آج سکریٹری برائے دفاع، برطانوی چیف آف ڈیفنس اسٹاف، چیف آف جنرل اسٹاف اور دیگر معززین سے بات چیت کریں گے۔ وہ مختلف فوجی تشکیلوں کا بھی دورہ کریں گے جہاں وہ باہمی دلچسپی کے امور پر تبادلہ خیال کریں گے۔
اپنے یوروپ دورے کے دوسرے مرحلے میں، جنرل نرونے 7-8 جولائی کو چیف آف ڈیفنس اسٹاف اور اطالوی فوج کے چیف آف اسٹاف سے اہم بات چیت کریں گے۔ اس کے علاوہ چیف آف آرمی اسٹاف جنرل نرونے مشہور اطالوی شہر کیسینو میں ہندوستانی آرمی میموریل کا افتتاح کریں گے۔
انھیں روم میں کیچنگولا، اطالوی فوج کے کاؤنٹر آئی ای ڈی سنٹر آف ایکسی لینس کے بارے میں بریف کیا جائے گا۔دوسری جنگ عظیم کے دوران مونٹی کیسینو کی لڑائی میں 5ہزار،سے زیادہ ہندوستانی فوجیوں نے اٹلی کو فاشسٹ قوتوں سے بچانے کے لئے اپنی جانوں کا نذرانہ پیش کیاتھا۔ 50 ستمبر 1943 سے اپریل 1945 کے درمیان اٹلی کی آزادی کے لئے 50ہزار ہندوستانی سرفہرست تھے۔ ان بھارتی فوجیوں کی یاد میں انڈین آرمی میموریل تعمیر کیا گیا ہے۔
چیف آف آرمی اسٹاف کے یہ دورے فوجی سفارت کاری کا ایک حصہ ہیں جو اہم شراکت دار ممالک تک بھارت کی رسائی میں جاری عمل کی نشاندہی کرتے ہیں اور عالمی برادری میں ہندوستان کی بڑھتی ہوئی اہمیت کا اشارہ دیتے ہیں۔
ہندوستان اور برطانیہ کے درمیان 2004 سے اسٹریٹجک شراکت ہے۔ اسی طرح ہندوستان اور اٹلی جمہوریت، انسانی حقوق اور خود مختاری کے لیے باہمی احترام پر مبنی مضبوط رشتوں کو برقرار رکھتے ہیں۔ اطالوی دفاعی فرموں نے حکومت ہند کے ' میک ان انڈیا ' اقدام میں فعال طور پر حصہ لینے میں گہری دلچسپی کا اظہار کیا ہے۔ اٹلی نے یورپی یونین کے انڈو پیسیفک اقدام میں ہندوستان کے لیے مرکزی کردار پر زور دیا ہے۔
