ٹوکیو، 28 جولائی (انڈیا نیرٹیو)

ہندوستان کی اسٹار بیڈمنٹن کھلاڑی پی وی سندھو ٹوکیو اولمپکس کے خواتین بیڈ منٹن سنگلس ایونٹ کے ناک آؤٹ مرحلے پر پہنچ گئی ہیں۔ انہوں نے اپنے دوسرے گروپ میچ میں ہانگ کانگ کی نگیان ای چیونگ کو 21-9، 21-16 سے شکست دی۔

سندھو نے پہلے سیٹ سے ہی جارحانہ کھیل کا مظاہرہ کیا اور مخالف پر برتری برقرار رکھی۔سندھو نے اپنے متنوع شاٹس اور رفتار میں تبدیلی کرنے کی قابلیت سے چیونگ کو پورے کورٹ پر دوڑاکر پریشان کیا۔ چیونگ نے اپنے کراس کورٹ ریٹرن سے کچھ پوائنٹس حاصل کئے لیکن ہانگ کانگ کی کھلاڑی نے کا فی آسان غلطیاں کیں جس سے و ہ سندھو پر دباو بنانے میں ناکام رہیں۔ سندھو نے اچھی شروعات کرتے ہوئے اسکور 6-2کیا اور پھر 10-3کی برتری حاصل کی۔ وہ بریک کے وقت 11-5سے آگے تھیں۔ بریک کے بعد سندھو نے دبدبا بناتے ہوئے اپنی برتری کو 20-9کیا اور چیونگ کے نیٹ پر شاٹ مارنے کے ساتھ پہلا گیم جیت لیا۔

دوسرے سیٹ میں سندھو کو ناگیان نے کچھ مقابلہ دیا تھاانہوں نے سندھو کو ریلی میں الجھایا اور دونوں کھلاڑی 8-8سے برابر چل رہی تھیں۔ سندھو  نے اس دوران چیونگ کے شاٹس کو پرکھنے میں بھی غلطی کی اور پھر باہر شاٹ بریک کے وقت ہانگ کانگ کی کھلاڑی کو ایک پوائنٹ کی برتری دے دی۔ چیونگ نے دباو بنانے کی کوشش کی لیکن سندھو نے دمدار اسمیش اور بہتر شاٹ کے ساتھ 19-14کی سبقت حاصل کر لی۔ سندھو کو 6پوائنٹس ملے۔ انہوں نے ایک شاٹ مارا اور ایک نیٹ پر الجھایا لیکن پھر اسمیش کے ساتھ میچ جیت لیا۔

سندھو کی چیونگ کے خلاف چھ مقابلوں میں یہ 6ویں جیت ہے۔ دنیا کی ساتویں نمبر کی کھلاڑی سندھو پر ی کوارٹر فائنل میں گروپ آئی میں سرفہرست رہنے والی ڈنمار کی دنیا کی 12ویں نمبر کی کھلاڑی میا بلچفیلٹ سے مقابلہ کریں گی۔ سندھو کا بلچفیلٹ کے خلاف جیت۔ہار کا ریکارڈ 4-1ہے۔ ڈنمار کی کھلاڑی نے سندھو کے خلاف واحد جیت اس سال تھائی لینڈ اوپن میں درج کی تھی۔ حیدرآباد کی 6ویں سیڈیڈ کھلاڑی سندھو نے اپنے پہلے میچ میں اسرائیل کی سینیا پولیکارپووا کو ہرایا تھا۔