وزیر اعظم نریندر مودی نے اتوار کو ٹوکیو اولمپکس -2020 کے اختتام پر مختلف ایونٹس میں بہترین کارکردگی پر ہندوستانی دستے کو مبارکباد دیتے ہوئے کہا کہ اولمپکس میں ہندوستان کی نمائندگی کرنے والا ہر کھلاڑی چیمپئن  ہے۔

وزیر اعظم نے کہا کہ اس مقابلے میں ہندوستان  نے جو  تمغے جیتے ہیں انہو ں نے  یقینی طور پر ہمارے ملک کو فخر اور خوشگوار بنا دیا ہے۔ ساتھ ہی  یہ وقت   زمینی سطح پر کھیلوں کو مزید مقبول بنانے کے لیے کام جاری رکھیں تاکہ نئی صلاحیتیں سامنے آئیں اور آنے والے وقتوں میں ہندوستان کی نمائندگی کا موقع ملے۔

انہوں نے بہتر طریقے سے کھیلوں کی میزبانی پر جاپان کی حکومت اور عوام کا شکریہ بھی ادا کیا۔ انہوں نے کہا کہ ایسے وقتوں میں کامیابی کے ساتھ انعقاد نے  لچیلے پن کا   مضبوط پیغام دیا۔ وزیر اعظم نے کہا کہ اس سے یہ بھی ظاہر ہوتا ہے کہ کھیل کس طرح لوگوں کو جوڑتا ہے۔

ٹویٹس کی ایک سیریز میں، وزیر اعظم نے کہا، "جیسا کہ ٹوکیو 2020 اختتام پذیر ہو رہا ہے، میں ہندوستانی دستے کو کھیلوں میں بہترین کارکردگی پر مبارکباد دینا چاہتا ہوں۔ انہوں نے بہترین مہارت، ٹیم ورک اور لگن کا مظاہرہ کیا۔ ہندوستان کی نمائندگی کرنے والا ہر کھلاڑی چمپئن ہے۔