ورسٹائل فرحان اختر نے منگل کے روز اپنی نئی فلم کا اعلان کیا ہے۔ اس فلم کا ٹائٹل 'جی لے ذرا' رکھا گیا ہے اور فلم میں بالی وڈ کی تین بہترین اور خوبصورت اداکارائیں  اپنی شاندار کارکردگی کا مظاہرہ کرتی نظر آئیں گی۔ منگل کے روز فلم کے اعلان کے ساتھ ہی فلم میں لیڈ ایکٹریس کے نام پر بھی مہر لگ  گئی ہے۔ اس فلم میں بالی ووڈ کی سب سے باصلاحیت اداکارہ پرینکا چوپڑا، عالیہ بھٹ اور کٹرینہ کیف اپنی اداکاری کے جوہردکھاتی نظر آئیں گی۔ یہ فلم روڈ ٹرپ پر مبنی ہوگی۔

فلم کو زویا اختر، فرحان اختر اور ریما کاگتی نے لکھا ہے۔ فلم کو ریما کاگتی، زویا اختر، رتیش سدھوانی اور فرحان اختر مشترکہ طور پر پروڈیوس کریں گے جب کہ فلم کی ہدایت کاری فرحان اختر کریں گے۔ یہ فلم اگلے سال یعنی 2022 میں فلور پر آئے گی۔

سال2011 میں ریلیز ہوئی  فلم 'ڈان۔2‘ کی ہدایت کاری کے بعد فرحان اختر طویل عرصے کے بعد ہدایت کاری میں واپسی کر رہے ہیں۔ فرحان اختر اس سے قبل پرینکا چوپڑا کے ساتھ ڈان 2، دل دھڑکنے دو اور دی اسکائی از پنک میں کام کرچکے ہیں۔وہیں فرحان اخترنے کٹرینہ کیف کے ساتھ زندگی نا ملے گی دوبارہ اور عالیہ بھٹ کے ساتھ گلی بوائے  کر چکے ہیں۔ لیکن یہ پہلا موقع ہے جب فرحان تینوں اداکاراؤں کے ساتھ مل کر فلم بنا رہا ہے۔ پہلی بار یہ تینوں اداکارائیں ایک ہی فلم میں ایک ساتھ نظر آئیں گی۔