متنازعہ تین زرعی قوانین پر سپریم کورٹ کے مقرر کردہ پینل کے ایک اہم رکن نے کہا کہ پینل کی رپورٹ کسانوں کے حق میں ہے اور اس رپورٹ کو بحث کے لیے پبلک ڈومین میں لانا چاہیے۔

آئی اے این ایس سے بات کرتے ہوئے ، شیتکاری سنگھاٹانہ کے صدر اور پینل کے رکن انیل جے گھانوت(Anil J. Ghanwat)، جنہوں نے یکم ستمبر کو چیف جسٹس آف انڈیا این وی رامن کو خط لکھا تھا ، ان سے رپورٹ کو عام کرنے کی گزارش کرتے ہوئے کہا تھا کہ ’’رپورٹ مختلف لوگوں کے ساتھ تفصیلی بحث کے بعد تیار کی گئی تھی۔ میں کسانوں   کی طرف سے جاری احتجاج کو دیکھ کر پریشان ہوں۔ ‘‘

تین زرعی قوانین کے خلاف احتجاج کرنے والے کسان گروپوں پر تبصرہ کرنے کے لیے پوچھے جانے پر انہوں نے کہاکہ ’’کسانوں کو بات کرنی چاہیے۔ اگر تین زرعی قوانین پر نہیں تو کم از کم پینل کی تیار کردہ رپورٹ پر ہی سہی‘‘ انہوں نے اس بات پربھی  زور دیا کہ تین زرعی  قوانین پر موجود پینل کی رپورٹ کسانوں کے حق میں ہے۔

انہوں نے مزید کہا  کہ ’’یہ ضروری ہے کہ رپورٹ کو پبلک ڈومین میں جاری کیا جائے اور سپریم کورٹ کو بغیر کسی تاخیر کے اس معاملے میں دخل دینا  چاہیے۔‘‘

گھانوت(Anil J. Ghanwat)نے اس بات پر زور دیا کہ تینوں زرعی قوانین کو منسوخ کرنا حل نہیں ہے اور اس کے بجائے بات چیت ہونی چاہیے کیونکہ قوانین کے خلاف احتجاج ایک عرصے سے جاری ہے۔ تینوں زرعی قوانین کو منسوخ کرنے کے پہلو پر ، جو احتجاج کرنے والے کسان گروپوں کی بنیادی مانگ ہے ، انہوں نے اس بات کا اعادہ کیا کہ قوانین میں نقائص پر بحث ہونی چاہیے ، اور ان پر بھی توجہ بھی   دی جانی چاہیے۔

گھانوت (Anil J. Ghanwat) نے چیف جسٹس کو لکھے گئے ایک خط میں کہا کہ اس رپورٹ میں کسانوں کے تمام خدشات کو دور کیا گیا ہے۔ کمیٹی کو یقین تھا کہ سفارشات ’’26 نومبر 2020 سے شروع ہونے والے کسانوں کے جاری احتجاج کو حل کرنے کی راہ ہموار کریں گی۔‘‘

Anil J. Ghanwatنے اپنے خط میں لکھا کہ’’میں محسوس کرتا ہوں کہ رپورٹ پر سپریم کورٹ نے کوئی توجہ نہیں دی ہے۔ میں عاجزانہ طور پر سپریم کورٹ سے گزارش کر رہا ہوں کہ اس رپورٹ کو جلد از جلد کسانوں کے اطمینان، تعطل اور پرامن حل کے لیے اپنی سفارشات پر عمل درآمد کے لیے جاری کرے۔‘‘

واضح ہو کہ سپریم کورٹ نے تینوں رزعی  قوانین پر عملدرآمد معطل کر دیا تھا اور 12 جنوری کو ان قوانین پر رپورٹ دینے کے لیے ایک کمیٹی تشکیل دی تھی۔ اور Anil J. Ghanwatکو کسانوں کی نمائندگی کے لیے کمیٹی کے ارکان میں سے ایک کے طور پر نامزد کیا گیا تھا۔

کمیٹی کو زرعی قوانین پر اپنی رپورٹ پیش کرنے کے لیے دو ماہ کا وقت دیا گیا۔ کمیٹی نے بڑی تعداد میں کسانوں اور کئی اسٹیک ہولڈرز سے مشورہ کرنے کے بعد 19 مارچ کی ڈیڈ لائن سے پہلے اپنی رپورٹ پیش کی۔

کمیٹی ابتدائی طور پر چار ارکان پر مشتمل تھی: بھارتیہ کسان یونین اور آل انڈیا کسان کوآرڈینیشن کمیٹی کے صدر بھوپندر سنگھ مان ، زرعی ماہر معاشیات اور بین الاقوامی فوڈ پالیسی ریسرچ انسٹی ٹیوٹ کے ڈائریکٹر برائے جنوبی ایشیا ، ڈاکٹر پرمود کمار جوشی ، زرعی ماہر معاشیات اور کمیشن برائے زرعی اخراجات اور پرائسز کے سابق چیئرمین اشوک گلاٹی ، اور گھانوت۔ مان نے بعد میں استعفیٰ دے دیا تھا۔

سپریم کورٹ نے تینوں زرعی  قوانین – کسانوں کی پیداوار اور تجارت (فروغ اور سہولت) ایکٹ ، 2020 ، ضروری اشیا (ترمیمی) ایکٹ ، 2020 ، اور کسانوں (بااختیار اور تحفظ) معاہدے پر عملدرآمد روک دیا تھا۔ اور فارم سروسز ایکٹ ، 2020۔