نئی دہلی: انجینئرنگ کے داخلہ امتحانات جے ای ای-مین کے نتائج منگل کی شب جاری کردیا گیا، اس میں کل 44 امیدواروں نے 100 فیصد نمبرات حاصل کئے ہیں۔ وہیں 18 امیدواروں کو ٹاپ رینک ملا ہے۔ وزارت تعیم کے افسران نے منگل کی شب یہ جانکاری دی۔ اس سال سے مشترکہ داخلہ امتحانات (جے ای ای)-مین سال میں چار بار منعقد کی جارہی ہے تاکہ طلبا کو اپنے اسکور میں سدھار کا موقع مل سکے۔ پہلا مرحلہ فروری میں اور دوسرا مارچ میں منعقد کیا گیا تھا۔
آئندہ مرحلے کے امتحانات اپریل اور مئی میں ہونی تھی، لیکن ملک میں کووڈ-19 وبا کی دوسری لہر کو دیکھتے ہوئے انہیں ملتوی کردیا گیا تھا۔ تیسرا مرحلہ 25-20 جولائی تک منعقد کیا گیا تھا جبکہ چوتھا مرحلہ 26 اگست سے دو ستمبر تک منعقد کیا گیا تھا۔ چوتھے سیشن کے اس امتحان میں 18 امیدواروں نے پہلی رینک حاصل کی ہے۔
JEE Main results to be declared today: Ministry of Education pic.twitter.com/kX8yW1riHo
— ANI (@ANI) September 14, 2021
پیپر-1(BE/Btech) کے لیے چوتھے سیشن کے امتحان کا انعقاد 26, 27, 31 اگست اور 1, 2 ستمبر کو منعقد کیا گیا تھا۔ 6 ستمبر کو نیشنل ٹسٹنگ ایجنسی (این ٹی اے) نے جوابی شیٹ (آنسر کی) جاری کی تھی۔jeemain.nta.nic.in کی آفیشیل ویب سائٹ کے علاوہ داخلہ امتحان 2021 کی لنکntaresults.nic.in پر بھی ایکٹیویٹ ہوجائے گی۔ طلبا کو نتائج جانے کے لئے اپلی کیشن نمبر، یوم پیدائش اور پاسورڈ کی ضرورت ہوگی۔
IIIT, NIT میں داخلہ حاصل کرنے کے لیےJoSAA کاونسلنگ جلد ہی شروع ہوجائے گی۔ وہیںIIT میں داخلہ پانے کے لئے جے ای ای ایڈوانسڈ امتحان کے رجسٹریشن 15 ستمبر سے شروع ہوجائیں گے۔ سبی بی آئی جانچ میں پتہ چلا تھا کہ 2021 جے ای ای مین ایگزام میں شامل کم ازکم ایک امتحانی مراکز پر بدعنوانیاں پائی گئی تھیں۔ اس کے سبب بھی داخلہ امتحان کافی تنازعہ میں رہا۔ مبینہ ططور پر ایک پرائیویٹ کوچنگ ادارے نے سسٹم ہیکنگ کے ذرعہ طلبا وطالبات کے مقام پر دیگر لوگوں سے امتحان دلوایا تھا۔
واضح ہو کہ نیشنل ٹیسٹ ایجنسی (این ٹی اے) نے جے ای ای مین 2021 کے نتائج جاری کیے ہیں جس میں مجموعی طور پر 44 امیدواروں نے 100 فیصد نمبر حاصل کیے ہیں۔
وزارت تعلیم کے افسران کے ذریعہ منگل دیر رات یہ اطلاع دی گئی ہے۔ مجموعی طور پر 44 امیدواروں کو 100 فیصد نمبر ملے ہیں جبکہ 18 امیدواروں کو ٹاپ رینک ملا ہے۔
انہوں نے کہا کہ ٹاپ 18 امیدواروں میں سے چار آندھرا پردیش ، تین راجستھان ، دہلی سے دو ، اتر پردیش سے دو ، تلنگانہ سے دو ، مہاراشٹر سے ایک ، پنجاب سے ایک ،چنڈی گڑھ سے ایک ، بہار سے ایک اور کرناٹک سے ایک طالب علم شامل ہے۔
امیدوار اپنے رول نمبر اور رجسٹریشن نمبر کی مدد سے سرکاری ویب سائٹjeemain.nta.nic.in ، ntaresults.nic.in اورnta.ac.in پر اپنے نتائج دیکھ سکتے ہیں۔
واضح رہے کہ 7.8 لاکھ طلباء نے جے ای ای- مین امتحان کے لیے رجسٹریشن کرایا تھا۔
