- سیاحت، ثقافت اورشمال مشرقی خطے کی ترقی کے مرکزی وزیر (ڈی او این ای آر) جناب جی کشن ریڈی نے سری نگر،جموں کا دورہ کیا اور مرکز کے زیر انتظام علاقے کے لئے مرکزی حکومت کے ذریعہ حمایت شدہ سیاحت ترقی پروجیکٹوں کی پیش رفت کا جائزہ لیا۔
- مرکزی وزیر نے مرکز کے زیر انتظام علاقے کے اننت ناگ،رفیع آباد، اونتی پورہ اور پہلگام میں چار سیاحتی پروجیکٹوں کا بھی افتتاح کیا۔
- جناب جی کشن ریڈی نے علاقے میں جاری مختلف ترقیاتی پہلوں کا جائزہ لینے کے لئے مقامی عوامی نمائندوں اور سماج کے لوگوں کے ساتھ بات چیت کی۔
سیاحت، ثقافت اور شمال مشرقی علاقے کی ترقی کےمرکزی وزیر (ڈی او این ای آر) جناب جی کشن ریڈی نے حکومت ہند کے پبلک آؤٹ ریچ پروگرام کے ایک حصےکے طور پر سری نگر، جموں و کشمیر کا دورہ کیا۔ دورہ کے دوران انہوں نے پنچایتی راج ادارہ کے اسٹیک ہولڈرز اور عام عوام کے ساتھ بات چیت کی۔ انہوں نے سیاحت کے فروغ سے متعلق پہلوں میں بھی حصہ لیا اور مرکز کے زیرانتظام علاقوں میں سیاحتی پروجیکٹوں کا افتتاح کیا۔
مرکزی وزیر نے کشمیر بین الاقوامی کونسل مرکز ، سری نگرمیں سیاحت محکمے، جموں اور کشمیر کے ساتھ ایک میٹنگ کی صدارت کی۔ انہوں نے مرکز کے زیر انتظام علاقوں میں مرکزی حکومت کے ذریعہ اسپانسرڈسیاحتی فروغ پروجیکٹوں کی پیش رفت کا جائزہ لیا۔ جائزہ میٹنگ میں انہوں نے اپنے خطاب میں کہا’’جموں اور کشمیر کے لئے 6 سودیش درشن اسکیم نے مختص کی گئی کل رقم 522.35 کروڑ روپے ہے، جو اب تک سودیش درشن کے لئے منظور شدہ رقم 5588.4 کروڑ روپے تھے، کل رقم کا دس فی صد ہے۔ میں آپ سبھی کو مطلع کرنا چاہتاہوں کہ پورے ہندستان میں ریاستی سطح پر جموں و کشمیر کے لئے مختص رقم سب سے زیادہ ہے۔ انہوں نے کہا ’’میں ایسی جگہ جسے ’زمین پر جنت‘کہا جاتا ہے، آنے کے لئے خوش ہوں، جو برف سے ڈھکی پہاڑیوں ، پرسکون جھیلوں، خوبصورت شکاروں وغیرہ سے بھری ہیں۔
مرکزی وزیر نےجموں وکشمیر سیاحتی محکمے اور نجی سیاحتی اسٹیک ہولڈرز کی کوششوں کی بھی تعریف کی جنہوں نے کووڈ وبا کے باعث بھاری نقصان کا سامان کرنے والے سیاحتی شعبے کو دوبارہ زندہ کیا۔ انہوں نے کہا ’’میں ٹور چینل آپریٹرس ، ہاؤس بوٹ کےمالکوں، شکارہ مالکوں ، ہوٹل میں مقیم ، سیاحتی شعبے میں شامل لوگوں کی ان کی قابل تعریف پیشہ ور نظریہ کی تعریف کرنا چاہتا ہوں۔ مجھے جانکاری دی گئی ہے کہ رواں سال کے دوران 28 ستمبر 2021 تک وبا کے چیلنج کے باوجود جنوری سے اب تک 3.03 لاکھ سیاح کشمیر کا دورہ کرچکے ہیں۔
مرکزی وزیر نےمرکز کے زیر انتظام علاقے اننت ناگ، رفیع آباد اونتی پورہ اور پہلگام میں چار سیاحتی پروجیکٹوں کا بھی افتتاح کیا۔ انہوں نے کہا ’’ مجھے پورا یقین ہے کہ ان پروجیکٹوں سے ریاست میں سیاحت کا بنیادی ڈھانچہ اور مضبوط ہوگا، جس سے سیاحتی صنعت کو بھی فروغ ملے گا۔ میں حکام سے اپیل کرتا ہوں کہ وہ مختلف سیاحتی بنیادی ڈھانچوں کی اسکیمیوں میں تیزی لائیں اور پروجیکٹوں کو وقت پر پورا کرنے کو یقینی بنائیں۔
اپنے دورے کے دوران انہوں نے سری نگر، جموں و کشمیر میں سرکاری اسکول کے طلبا سے بات چیت کی اور انہیں سرٹی فکیٹ تقسیم کئے۔ جن میں گولف کل آف کشمیر میں گولف میں تربیت دی گئی تھی۔ ایک دیگر میٹنگ میں انہوں نے مرکزی وزیر نے کہاکہ ’’آرٹیکل 370 کے خاتمے سے جموں اور کشمیر کو بہت سارے فائدہ ملے ہیں اور نریندر مودی حکومت کے ذریعہ کی گئی تمام ترقی یافتہ اور بہبودی پہلوں کا مقصد جموں اور کشمیر کی ترقی اور خوشحالی ہے ۔
جناب جی کشن ریڈی نے علاقے میں جاری مختلف ترقیاتی پہلوں کا جائزہ لینےکےلئے مقامی عوامی نمائندوں اور سماج کے لوگوں کے ساتھ بھی بات چیت کی۔ انہوں نے کہا، ’’حکومت ہند کی مربوط کوشش جموں اور کشمیر کی ترقی کےلئے حوصلہ افزائی کرنے کے ساتھ ملک کی تعمیر میں تعاون دی رہی ہیں۔
مرکزی وزیر نےسری نگر میں راج بھون میں جموں و کشمیر کے گورنر جناب منوج سنہا سے ملاقات کی۔ انہوں نے مختلف ترقیاتی پہلوں پر تبادلہ خیال کیا جو مرکز کے زیر انتظام علاقوں کے انتظامیہ کے ذریعہ وبا کے بعد کی دنیا میں سیاحت اور علاقے کی خوشحال ثقافتی وراثت کو بڑھاوا دینے کے لئے اٹھائی جاسکتی ہے۔
جناب جی کشن ریڈی نے ٹیکہ کاری مہم کو لے کر مرکز کے زیر انتظام علاقے کی حکومت کی کوششوں کی تعریف کی اور کہا ’’مجھے مطلع کیا گیا ہے کہ کشمیر کے سیاحتی شعبے سے وابستہ لوگوں میں 95 فی صد کو ٹیکہ لگایا جاچکا ہے۔ یہ اعتماد کی تعمیر کی ایک بڑی پہل ہے اور میں تعاون اور مدد کے لئے سبھی کا شکریہ ادا کرنا چاہتا ہوں۔
