نئی دہلی،08 اکتوبر، 2021 / تعلیم و ہنر مندی کے فروغ اور چھوٹی صنعتوں کے مرکزی وزیر  جناب دھرمیندر پردھان نے آج ، درشٹی استری  ادھیاین پربھودھن کیندر کے ایک وفد سے ملاقات کی ، جس کے سبھی ارکان خواتین ہیں۔  یہ کندر خواتین سے متعلق مطالعے کا ایک مرکز ہے جو سماج میں خواتین کی صورتحال سے متعلق اہم معاملات پر تحقیق کرتا ہےاور انہیں سمجھتا ہے۔ مرکزی وزیر کو ‘‘بھارت میں خواتین کی صورتحال ’’ کے موضوع پر ایک رپورٹ بھی پیش کی گئی۔

اس وفد نے تعلیم ، این سی سی / این ایس ایس / اکساؤٹس اور گائیڈ میں  طالبات کی بڑھتی ہوئی حصے داری ، ہنر مندی کے فروغ اور کھیل کود اور ان کے لیے دیگر متعلقہ معاملات کے ذریعے صنفی حساسیت میں اضافہ کرنے پر تجاویز بھی پیش کی۔