نئی دہلی، 15 اکتوبر (انڈیا نیرٹیو)
وزیر اعظم نریندر مودی نے وجے دشمی کے موقع پر اہل وطن کو مبارکباد اورنیک خواہشات پیش کی ہے۔ایک ٹویٹ میں وزیر اعظم نے کہا- آپ سب کو وجئے دشمی کے مبارک موقع پر نیک خواہشات
विजयादशमी के पावन अवसर पर आप सभी को अनंत शुभकामनाएं।
Greetings to everyone on the special occasion of Vijaya Dashami.
— Narendra Modi (@narendramodi) October 15, 2021
دسہرہ کے آخری دن بھی بادل چھائے رہے
جمعہ کے روز، مغربی بنگال میں دسہرہ کے آخری دن، دارالحکومت کولکاتا سمیت ریاست بھر میں آسمان ابر آلود رہا۔ اس کی وجہ سے، وقفے وقفے سے بارش ہو سکتی ہے۔علی پور میں محکمہ موسمیات کے علاقائی ہیڈ کوارٹر نے بتایا ہے کہ کم سے کم درجہ حرارت معمول سے ایک ڈگری زیادہ ہے۔ اسی طرح زیادہ سے زیادہ درجہ حرارت معمول سے دو ڈگری زیادہ ہے۔ محکمہ موسمیات نے کہا ہے کہ فضا میں متوقع نمی زیادہ سے زیادہ 97 فیصد ہے، جس کی وجہ سے شدید گرمی محسوس کی جا رہی ہے۔ شمالی بنگال کے کچھ حصوں میں ہلکی بارش ہوسکتی ہے لیکن اس سے زیادہ اثر نہیں پڑے گا۔ اسی طرح کا موسم رواں ہفتے جاری رہنے کا امکان ہے۔
وجے دشمیپر بازار بند، اب کاروبار 18 اکتوبر کو ہوگا
وجے دشمی تہوار کے موقع پر تمام بڑے مالیاتی بازار بشمول اسٹاک،صرافہ، زرمبادلہ بازاربند رہیں گے، جس کی وجہ سے جمعہ کو دلال اسٹریٹ میں کوئی کاروبار نہیں ہوگا۔ تاہم کموڈٹی مارکیٹ صبح کے سیشن کی بجائے شام کو کھلے گی۔ اس کے ساتھ ساتھ ملکیشیئر بازاراگلے ہفتے پیر 18 اکتوبر کو ٹریڈنگ کے لیے کھل جائیں گے۔
قابل ذکر بات یہ ہے کہ اس سال (جنوری سے 14 اکتوبر تک)، بمبئی اسٹاک ایکسچینج (بی ایس ای) سینسیکس میں 13554.62 پوائنٹس یا 28.38 فیصد اضافہ ہوا ہے۔ کورونا وبا کے باوجود اس سال شیئرمارکیٹ مضبوط رہا ہے۔ شیئرمارکیٹ میں تیزی کا رجحان جمعرات کو چھٹے کاروباری دن تک جاری رہا۔
یہ قابل ذکر ہے کہ 30 حصص کا سینسیکس کل پہلی بار 6185.95 پر بند ہوا جو 568.90 پوائنٹس یا 0.94 فیصد اضافہ ہے۔ اسی طرح نفٹی 176.80 پوائنٹس یا 0.97 فیصد کے اضافے سے 18338.55 پوائنٹس کی نئی ریکارڈ سطح پر بند ہوا۔
