پانچ روزہ نیول کمانڈرز کانفرنس پیر سے نئی دہلی میں شروع ہوگی

 پانچ روزہ نیول کمانڈرز کانفرنس پیر سے نئی دہلی میں شروع ہوگی۔ کانفرنس میں بحری کمانڈر عسکری اسٹریٹجک سطح پر اہم سمندری معاملات پر تبادلہ خیال کریں گے۔ خطے کی تیزی سے بدلتی ہوئی جیو اسٹریٹجک صورتحال کی وجہ سے اس کانفرنس کی اہمیت کئی گنا بڑھ گئی ہے۔

کانفرنس میں چیف آف ڈیفنس اسٹاف اور انڈین آرمی اور ایئر فورس کے سربراہ بھی نیول کمانڈرز کے ساتھ بات چیت کریں گے، تاکہ تینوں سروسز کے درمیان ہم آہنگی کو بڑھایا جا سکے۔ یہ کانفرنس انتہائی اہمیت کے امور پر تبادلہ خیال  ہوگا اور فیصلے  کئے جائیں گے جو ہندوستانی بحریہ کی مستقبل کی پالیسی کو تشکیل دے گی۔ کانفرنس کے دوران وزیر دفاع راج ناتھ سنگھ قومی سلامتی سے متعلق امور پر بحری کمانڈروں سے خطاب اور بات چیت کریں گے۔

ترجمان کے مطابق بحریہ کے سربراہ کرمبیر سنگھ کمانڈروں کے ساتھ گزشتہ چند ماہ کے دوران بھارتی بحریہ کی اہم آپریشنل، مٹیریل، لاجسٹکس، ہیومن ریسورس ڈویلپمنٹ، ٹریننگ اور انتظامی سرگرمیوں کا جائزہ لیں گے۔ کانفرنس میں مستقبل کی اہم سرگرمیوں اور بحریہ کی منصوبہ بندی پر تبادلہ خیال کیا جانا ہے۔   بحریہ نے جنگ کی تیاریوں پر توجہ دی ہے۔ بحریہ نے بھارت کے بڑھتے ہوئے سمندری مفادات کے مطابق برسوں کے دوران اپنے مشن   میں اضافہ کیا ہے۔ ہندوستانی بحریہ کے بحری جہاز بحر ہند میں مشن پر مبنی تعیناتی پر (آئی او آر) کسی بھی بدلتی ہوئی صورتحال کا فوری جواب دینے کے لیے تیار ہیں۔

اس کے علاوہ، خلیج عدن اور خلیج فارس میں تعینات بھارتی بحریہ کے جہاز ان علاقوں سے تجارت کے لیے سیکورٹی فراہم کرتے رہتے ہیں۔ 2020-21 میں، بحریہ کے بحری جہازوں نے بحر ہند کے خطے کے ساحلی ممالک کو خوراک اور طبی امداد فراہم کرنے کے لیے آؤٹ ریچ مشن شروع کیے ہیں۔