دہرادون، 21 اکتوبر (انڈیا نیرٹیو)

مرکزی وزیر داخلہ امت شاہ بدھ کی رات دیر گئے دہرادون پہنچے۔ دہرادون پہنچنے پر وزیر اعلیٰ پشکر سنگھ دھامی، مرکزی وزیر مملکت برائے دفاع اجے بھٹ، بی جے پی کے ریاستی صدر مدن کوشک اور کئی وزراء اور ایم ایل اے نے ہوائی اڈے پر ان کا استقبال کیا۔ وزیر داخلہ آج تباہی سے متاثرہ علاقوں کا فضائی سروے کریں گے۔

مرکزی وزیر داخلہ دیر رات 11 بج کر 40 منٹ پر ہوائی اڈہ دہرادون پہنچے۔کچھ دیر کے لیے ہوائی اڈے پر اپنے لیڈران سے ملنے کے بعد، وہ تقریباساڑھے بارہ بجے سیدھے راج بھون گئے۔ انہوں نے راج بھون میں ہی رات کا قیام کیا۔

وزیر داخلہ آج راج بھون سے جی ٹی سی ہیلی پیڈ کے لیے روانہ ہوں گے۔ جی ٹی سی ہیلی پیڈسے بی ایس ایف ہیلی کاپٹر کے ذریعہ تباہی سے متاثرہ علاقوں کا سروے کریں گے۔ وزیر داخلہ پشکر دھامی اور ریاستی آفات کے وزیر دھن سنگھ راوت بھی وزیر داخلہ کے ہمراہ ہوں گے۔ اس کے بعد وزیر داخلہ شاہ قریب 12 بجے جولی گرانٹ ائیرپورٹ پر اسٹیٹ گیسٹ ہاؤس پہنچیں گے۔ جولی گرینٹ ائیرپورٹ کے اسٹیٹ گیسٹ ہاؤس میں تقریبا ایک گھنٹے تک میٹنگ کریں گے۔ وزیر داخلہ دوپہر ایک بجے جولی گرانٹ ائیرپورٹ سے آئی اے ایف طیارے کے ذریعے نئی دہلی کے لیے روانہ ہوجائیں گے۔