وارانسی، 25 اکتوبر (انڈیا نیرٹیو)

وزیر اعظم نریندر مودی نے پیر کو کاشی کو پانچ ہزار 189 کروڑ مالیت کے 28 منصوبہ تحفے میں دیا۔ اس موقع پر وزیر اعلیٰ یوگی آدتیہ ناتھ نے کہا کہ 100 کروڑ سے زائد افراد کو مفت ویکسین فراہم کرنے کے بعد، وزیر اعظم مودی کے کاشی پہنچنے پر میں ان کا استقبال کرتا ہوں۔

وزیر اعلیٰ یوگی نے کہا کہ پی ایم آیوشمان بھارت ہیلتھ انفراسٹرکچر مشن اسکیم ہندوستان کے انفراسٹرکچر کو مضبوط کر نے کی مہم ہے۔ ہم سب کو اس مہم سے منسلک ہونے کا شرف حاصل ہو رہا ہے۔ میں شکر گزار ہوں کہ وزیر اعظم مودی نے 64 ہزار کروڑ کی اس بڑی ہیلتھ انفراسٹرکچر مشن اسکیم کے آغاز کے لیے کاشی، اتر پردیش کا انتخاب کیا ہے۔

اتر پردیش کے 36 اضلاع ایسے تھے جہاں آئی سی یو بیڈ نہیں تھے۔ اس وقت اتر پردیش میں کووڈ 19 کی جانچ کی کوئی سہولت نہیں تھی۔ اس وقت وزیر اعظم مودی کی رہنمائی میں پی ایم کیئر فنڈ سے ملنے والی امداد نے نہ صرف اتر پردیش کے تمام اضلاع میں آئی سی یو قائم کرنے میں کامیابی حاصل کی، بلکہ اتر پردیش کے اندر تقریبا 60 لیب بھی قائم کی گئیں۔ اس کے ساتھ کووڈ-19 کی جانچ کے عمل کو آگے بڑھایا گیا۔ آج اتر پردیش میں چار لاکھ ٹیسٹ کرنے کی صلاحیت ہے۔ یہ وزیر اعظم مودی کی قیادت کی وجہ سے ممکن ہوا ہے۔