نئی دہلی، 26 اکتوبر (انڈیا نیرٹیو)
مقامی اسٹاک مارکیٹ میں آج ہر طرف خرید و فروخت جاری ہے۔ اب تک پرائیویٹ بینک سیکٹر کے علاوہ ہر شعبے میں ترقی نظرآ رہی ہے۔ مارکیٹ میں کچھ اسٹاکس میں فروخت بھی جاری ہے، لیکن مجموعی طور پر ہر شعبے میں بہت زیادہ خرید اری ہورہی ہے۔ ابھی تک ہونے والی خریداری میںPSU بینک سیکٹر سب سے آگے دکھائی دے رہا ہے۔
آج کاروبار کے آغاز کے بعد سے، PSU بینک سیکٹر نے سرمایہ کاروں کی توجہ اپنی جانب مبذول کرائی ہے، جس کی وجہ سے پبلک سیکٹر کے بینکوں کے حصص کی زبردست خرید و فروخت ہوتی دکھائی دے رہی ہے۔ اسی طرح، رئیلٹی سیکٹر، میڈیا، میٹل، آٹو اور آئی ٹی سیکٹر میں بہت زیادہ خرید و فروخت ہو رہی ہے۔ وہیں پرائیویٹ بینک سیکٹر اب تک کاروبار میں مسلسل کمزورنظرآرہارہا ہے۔ اسی طرح ایف ایم سی جی سیکٹر میں بھی ہلکی سی کمزوری ہے۔
مارکیٹ میں اس زبردست خریداری کی وجہ سے نفٹی کاپی ایس یو بینک انڈیکس 3.02 فیصد، ریئلٹی انڈیکس 2.27 فیصد، میڈیا انڈیکس 2.03 فیصد، میٹل انڈیکس 1.24 فیصد، آٹو انڈیکس 1.17 فیصد، آئی ٹی انڈیکس 0.98 فیصد، انرجی انڈیکس 0.72 فیصد اور فارما انڈیکس0.57 فیصدمضبوطی کے ساتھ کاروبارکررہے تھے۔ اس دوران پرائیویٹ بینک انڈیکس 0.50 فیصد کی کمزوری کے ساتھ ٹریڈ کر رہا تھا۔
اب تک کی ٹریڈنگ میں، بی ایس ای سینسیکس میں شامل 30 اسٹاکس میں سے، 23 اسٹاک اضافے کے ساتھ سبز رنگ میں ٹریڈ کر رہے ہیں، جب کہ 7 شیئرز گراوٹ کے ساتھ سرخ نشان میں ٹریڈ کر رہے ہیں۔ بمبئی اسٹاک ایکسچینج میں اب تک کل 2,592 شیئرز کا کاروبار ہو رہا ہے۔ جس میں سے 1ہزار،878 حصص، تیزی کے ساتھ سبز نشان میں اور 613 حصص فروخت کے دباؤ کے تحت سرخ نشان میں ٹریڈ کر رہے ہیں۔جبکہ 101 حصص کی قیمتوں میں اب تک کوئی تبدیلی نہیں ہوئی ہے۔
