کروڑوں دلوں پر راج کرنے والے امیتابھ بچن کی پہلی فلم سات ہندوستانی کی ریلیز کو آج 52 سال مکمل ہو گئے ہیں۔ اس کے ساتھ ہی بگ بی نے بھی انڈسٹری میں اپنے 52 سال مکمل کر لیے۔ امیتابھ بچن نے اپنی پہلی فلم سات ہندوستانی 15 فروری 1969 کو سائن کی تھی اور یہ فلم اسی دن 7 نومبر 1969 کو ریلیز ہوئی تھی۔ فلم کی ریلیز کے 52 سال مکمل ہونے پر امیتابھ بچن نے فلم سے جڑی یادیں تازہ کرتے ہوئے دو تصاویر سوشل میڈیا پر شیئر کیں۔ خواجہ احمد عباس کی ہدایت کاری میں بننے والی اس ایکشن فلم میں امیتابھ بچن کے ساتھ اداکار مدھو، اتپل دت، جلال آغا اور اے کے ہنگل نے بھی کام کیا تھا۔

فلم سات ہندوستانی کے بعد امیتابھ بچن نے کئی فلموں میں شاندار اور یادگار اداکاری کی جن میں آنند، گڈی، باورچی، زنجیر، نمک حرام، سلسلہ، دیوار، ڈان، شعلے، پا، سرکار، بلیک، باغبان وغیرہ شامل ہیں۔ اس کے علاوہ، امیتابھ بچن کو اپریل 2005 میں ایچ آئی وی/ایڈز اور پولیو کے خاتمے کی مہم کے لیے یونیسیف کا خیر سگالی سفیر مقرر کیا گیا تھا۔ امیتابھ کو 2001 میں پدم بھوشن اور 2019 میں دادا صاحب پھالکے ایوارڈ سے نوازا گیا۔ فی الحال، امیتابھ سونی پر نشر ہونے والے شو ' کون بنے گا کروڑ پتی ' سیزن 13 کی میزبانی کر رہے ہیں۔ اس کے علاوہ امیتابھ بچن جلد ہی کئی فلموں میں نظر آنے والے ہیں۔ ان فلموں میں جھنڈ، برہماستر، تتلی، میڈ ے وغیرہ ہیں۔