پاکستانی اورنوبل امن انعام یافتہ ملالہ یوسف زئی نے برطانیہ میں شادی کر لی ہے۔ ملالہ نے اشعر نامی شخص سے شادی کی ہے۔ ملالہ نے یہ اطلاع سوشل میڈیا کے ذریعے دی۔ ملالہ نے ٹویٹ کیا، 'آج میری زندگی کا قیمتی دن ہے۔ اشعر اور میں نے ’زندگی بھر ساتھ‘‘نبھالنے کے لیے شادی کر لی ہے۔ ہم نے اپنے خاندان کے ساتھ برمنگھم میں اپنے گھر پر نکاح کی ایک چھوٹی سی تقریب کی۔ ہم آگے کے سفر کے لیے اورساتھ چلنے کے لیے پرجوش ہیں۔ ہمیں آپ کی نیک خواہشات کی ضرورت ہے۔
Today marks a precious day in my life.
Asser and I tied the knot to be partners for life. We celebrated a small nikkah ceremony at home in Birmingham with our families. Please send us your prayers. We are excited to walk together for the journey ahead.
📸: @malinfezehai pic.twitter.com/SNRgm3ufWP— Malala (@Malala) November 9, 2021
ملالہ نے اس ٹویٹ کے ساتھ شادی کی کچھ تصاویر بھی شیئر کی ہیں۔ جس میں وہ سادہ جیولری کے ساتھ گلابی رنگ کا لباس پہنے نظر آرہی ہیں۔ ان کے شوہر اشعرملک ایک سادہ سوٹ پہنے نظر آ رہے ہیں۔ دونوں کی جوڑی سوشل میڈیا پر کافی سرخیاں بنا رہی ہے۔ ملالہ کے والد ضیاء الدین یوسف زئی نے بھی ٹوئٹر پر پوسٹ کر کے ملالہ کی شادی کی معلومات دی ہیں۔
انہوں نے ٹویٹر پر لکھا کہ یہ الفاظ بیان سے باہر ہے۔ آپ کو بتاتے چلیں کہ ملالہ کو 15 سال کی عمر میں 9 اکتوبر 2012 کو طالبان نے لڑکیوں کی تعلیم اور امن کے لیے آواز اٹھانے پر گولی مار دی تھی۔
Malala Yousafzai, the campaigner for girls' education and Nobel Peace Prize laureate who survived being shot at age 15 by a Taliban gunman in her native Pakistan in 2012, said on social media she has married https://t.co/mRnGj5Pytj pic.twitter.com/1ahOuEHS1h
— Reuters (@Reuters) November 9, 2021
طالبان عسکریت پسند اس بس میں سوار ہو گئے جس میں ملالہ اپنے ساتھیوں کے ساتھ اسکول جا رہی تھیں۔ طالبان دہشت گردوں نے بس میں پوچھا۔ملالہ کون ہے؟ سب خاموش رہے لیکن ان کی نظریں ملالہ کی طرف اٹھ گئیں۔ دہشت گردوں نے ملالہ پر گولی چلائی جو ان کے سر میں لگی۔ ان پر طالبان عسکریت پسندوں کے حملے کی بین الاقوامی سطح پر مذمت ہوئی۔ اس حملے کے خلاف دنیا بھر میں لوگوں نے ملالہ کی حمایت کی۔
ملالہ نے ہمت نہیں ہاری اور دنیا کے سامنے خواتین کی آواز اٹھانے کے لیے ایک خاتون بن کر ابھری۔ 2014 میں ملالہ کو امن کا نوبل انعام ملا۔ ملالہ 17 سال کی عمر میں سب سے کم عمر نوبل انعام یافتہ ہیں۔
