جھارکھنڈ کے وزیر اعلیٰ ہیمنت سورین کی قیادت میں ریاست ترقی کی سمت میں مسلسل کئی کامیابیاں حاصل کر رہی ہے۔ اسی سلسلے میں، ہفتہ کو حکومت ہند کی طرف سے وزیر اعلیٰ کی موثر قیادت کی تعریف کی گئی۔اوراعزاز سے نوازا گیا۔ صدر رام ناتھ کووند نے نئی دہلی کے وگیان بھون میں صفائی سروے 2021 میں ریاستوں کے زمرے میں جھارکھنڈ کو ملک کی سرفہرست ریاست ہونے کا اعزاز دیا۔
اس موقع پر شہری ترقیات اور ہاؤسنگ محکمہ کے سکریٹری ونے کمار چوبے نے ریاستی حکومت کی جانب سے اعزاز حاصل کیا۔ امیت کمار کے ساتھ ریاستی شہری ترقی کے ڈائریکٹر بھی موجود تھے۔ اس موقع پر صدر جمہوریہ رام ناتھ کووند، مرکزی رہائش اور شہری امور کے وزیر ہردیپ سنگھ پوری اور مرکزی ہاؤسنگ اور شہری امور کے سکریٹری درگا شنکر مشرا نے اس اعزاز کے لیے جھارکھنڈ حکومت، محکمہ شہری ترقی اور ریاست کے شہریوں کو مبارکباد دی۔
جمشید پور اور جُگ سلائی نے بھی صفائی کے میدان میں اعزاز حاصل کیا
صفائی سروے 2021 میں 100 شہری بلدیہ والی ریاستوں کے زمرے میں جھارکھنڈ کو بہترین کارکردگی کا ایوارڈ دیا گیا ہے اور کچھ شہروں کو بھی مختلف زمروں میں اعزاز سے نوازا گیا ہے، جو درج ذیل ہیں۔ جمشید پور نے ملک کے 3 سے 10 لاکھ کی آبادی والے شہروں میں صفائی مترسرکشا چیلنج کے لیے دوسری پوزیشن حاصل کی ہے۔ جگسلائی کو 25-50 ہزار کی آبادی والے مشرقی زون کے شہروں میں سٹیزن فیڈ بیک کے لیے بہترین شہر کا اعزاز دیا گیا ہے۔ اسی طرح جھارکھنڈ کے جمشید پور کو گاربج تھری اسٹار ریٹنگ میں نوازا گیا ہے۔
