نیوزی لینڈ کی حکومت نے جنوری 2022 سے اپنے ملک کے لوگوں کے لیے بین الاقوامی سرحدیں دوبارہ کھولنے کا فیصلہ کیا ہے۔ غیر ملکی شہریوں کو اپریل 2022 سے نیوزی لینڈ میں داخلے کی اجازت ہوگی۔

کووڈ 19 معاملوں کے وزیر کرس ہپکنز نے بدھ کو ایک پریس کانفرنس میں کہا کہ حکومت نے زیادہ تر مسافروں کے لیے خود کو الگ تھلگ کرنے کی ضرورت کو بھی ختم کر دیا ہے۔ اب مکمل ویکسین شدہ کیویز (نیوزی لینڈ کرکٹ ٹیم کے ارکان) اور دیگر مسافر قرنطینہ میں رہے بغیر آسٹریلیا سے نیوزی لینڈ کا سفر کر سکیں گے۔ یہ اسکیم 13 فروری 2022 کو مقامی وقت کے مطابق رات 11:59  سے نافذ العمل ہوگی۔

انہوں نے کہا کہ 30 اپریل 2022 سے مکمل ویکسین شدہ افراد کو نیوزی لینڈ جانے کی اجازت دی جائے گی۔ تمام مسافروں کو سفر سے پہلے منفی کورونا ٹیسٹ کی رپورٹ دکھانی ہوگی۔ اس کے ساتھ ویکسینیشن کا ثبوت بھی دکھانا ہوگا۔ کمیونٹی میں داخل ہونے سے پہلے لوگوں کو سات دن تک خود کو الگ تھلگ کرنا پڑے گا۔ نیز فائنل پی سی آر ٹیسٹ بھی دکھانا ہوگا۔

انہوں نے مزید کہا کہ کورونا پابندی سے متعلق مزید تفصیلات دسمبر میں جاری کی جائیں گی تاکہ یہ بتایا جا سکے کہ باہر سے آنے والے لوگ ایئرپورٹ سے اپنی سیلف آئسولیشن کی جگہ اور دوسری جگہوں تک کیسے سفر کر سکتے ہیں۔