نئی دہلی، 26 نومبر (انڈیا نیرٹیو)

وزیر اعظم نریندر مودی نے جمعہ کو یوم آئین کے موقع پر سیاست میں خاندان اور خاندا ن پر مبنی سیاسی پارٹیوں کو نشانہ بناتے ہوئے کہا کہ خاندان پر مبنی سیاسی پارٹیاں جمہوریت پر یقین رکھنے والوں کے لیے تشویش کا باعث ہیں۔

پارلیمنٹ کے سنٹرل ہال میں یوم آئین کے موقع پر منعقدہ پروگرام سے خطاب کرتے ہوئے وزیر اعظم نے نام لیے بغیر خاندان پر مبنی سیاسی پارٹیوں کو شدید نشانہ بنایا۔ انہوں نے کہا کہ  وہ ایک ہی خاندان کے کئی افراد کی سیاست میں شمولیت کے خلاف نہیں ہیں لیکن یہ قابلیت کی بنیادپر ہونا چاہیے۔

اگر قابلیت کی بنیاد پر ایک سے زیادہ افراد ایک خاندان  کے پارٹی  سے جڑ  جائیں  تو اس سے پارٹی خاندانی نہیں ہو جاتی۔ لیکن خاندان پر مبنی سیاسی جماعتیں نسل در نسل چلتی ہیں اور یہ جمہوریت کی حفاظت نہیں کر سکتیں۔ایسی سیاسی جماعتی جمہوریت کے لئے خطرہ ہیں۔ انہوں نے کہا کہ ایسی ساسی جماعتی تشویش کا باعث ہیں ۔

مودی نے کہا کہ ہندوستان ایک بحران کی طرف بڑھ رہا ہے جو کہ آئین سے سرشار لوگوں کے لیے تشویش کا باعث ہے۔ خاندانی پارٹیاں جمہوریت پر یقین رکھنے والوں کے لیے لمحہ فکریہ ہیں۔ انہوں نے کہا کہ جب سیاسی جماعتیں خود اپنا جمہوری کردار کھو رہی ہیں، اس سے آئین اور اس کے ہر طبقے کو نقصان پہنچ رہا ہے۔ انہوں نے سوال کیا کہ جو پارٹیاں  اپنا جمہوری کردار کھو چکی ہیں وہ جمہوریت کا تحفظ کیسے کریں گی۔

مودی نے کہا کہ ہمارا آئین صرف کئی آرٹیکلز کا مجموعہ نہیں ہے، ہمارا آئین صدیوں کی عظیم روایت ہے۔ یہ یوم آئین اس لیے بھی منانا چاہیے کہ ہمارا راستہ درست ہے یا نہیں، اس کا جائزہ لیا جاتا رہے۔

وزیر اعظم نے کہا کہ مہاتما گاندھی نے آزادی کی تحریک میں شامل  لوگوں کو حقوق کے لیے لڑتے ہوئے بھی، فرائض کے لیے تیار کرنے کی کوشش کی تھی۔ انہوں نے کہا کہ یہ اچھا ہوتا اگر ملک کے آزاد ہونے کے بعد فرائض پر زور دیا گیا ہوتا۔  آزادی کے امرت  مہوتسو میں ضروری ہے کہ ہم فرض کی راہ پر آگے بڑھیں تاکہ ہمارے حقوق کا تحفظ ہو سکے۔