<h3 style="text-align: center;">آئی پی ایل کے 13 ویں ایڈیشن کے ٹائٹل میچ میں ممبئی انڈینز کا مقابلہ دہلی کپیٹلس سے</h3>
<p style="text-align: right;">ابوظہبی ، 10 نومبر (انڈیا نیرٹیو)</p>
<p style="text-align: right;">ممبئی انڈینز کے آل راؤنڈر کیرون پولارڈ نے کہا ہے کہ ورلڈ کپ کے فائنل کے بعد انڈین پریمیر لیگ (آئی پی ایل) ٹائٹل میچ کرکٹ کا سب سے بڑا ایونٹ ہے۔</p>
<p style="text-align: right;">یادرہے کہ آج رات آئی پی ایل کے 13 ویں ایڈیشن کے ٹائٹل میچ میں ممبئی انڈینز کا مقابلہ دہلی کییٹلس سے دبئی انٹرنیشنل اسٹیڈیم میں کھیلا جائے گا۔</p>
<p style="text-align: right;">ممبئی انڈینز کے آفیشل ٹویٹر ہینڈل پر پوسٹ کی گئی ایک ویڈیو میں پولارڈ نے کہا کہ ’’ فائنل میچ کا دباؤہے۔ آپ جیتنا چاہتے ہیں اور کوئی غلطی نہیں کرنا چاہتے ، لیکن دن کے اختتام پرآپ کو فائنل کو عام میچ کی طرح لینے کی کوشش کرنی ہوگی۔ بس ماحول سے لطف اٹھائیں۔‘‘</p>
<p style="text-align: right;">انہوں نے کہاکہ ’’ظاہر ہے، اس فائنل میں کوئی بھیڑ نہیں ہے، لیکن اس کا لطف اٹھائیں۔ یہ ایک آئی پی ایل فائنل ہے، ورلڈ کپ فائنل کے بعد کرکٹ کا یہ سب سے بڑا واقعہ ہے۔‘‘</p>
<p style="text-align: right;">ممبئی انڈینز چار مرتبہ ( 2013 ، 2015 ، 2017 اور 2019) آئی پی ایل کا ٹائٹل جیت چکی ہے۔ دوسری طرف ، یہ پہلا موقع ہے جب دہلی کیپٹلز نے ٹورنامنٹ کے فائنل میں جگہ بنائی ہے۔</p>
<p style="text-align: right;">روہت شرما کی زیرقیادت ممبئی نے کوالیفائر 1 میں دہلی کو شکست دے کر فائنل میں داخل ہوا ، جبکہ دہلی کییٹلز نے کوالیفائر 2 میں سن رائزرس حیدرآباد کو شکست دے کر ٹائٹل میچ کے لیے کوالیفائی کیا۔</p>.
