افغانستان میں اطلاعات و ثقافت کے نائب وزیر اور طالبان کے ترجمان ذبیح اللہ مجاہد نے کہا کہ انہیں (امارت اسلامیہ افغانستان) کو تسلیم کرنے کی ضرورت ہے اور عالمی ممالک بالخصوص چین کو اس سلسلے میں ان کی مدد کرنی چاہیے۔ذبیح اللہ مجاہد نے اتوار 12 دسمبر کو کابل میں ایک نیوز کانفرنس میں کہا کہ چین خطے کے اہم ترین ممالک میں سے ایک ہے اور اس ملک کے ساتھ اچھے تعلقات رکھنا طالبان کی بڑی کامیابی ہو گی۔

امارت اسلامیہ افغانستان کے نائب ترجمان بلال کریمی نے ذبیح اللہ مجاہد کا حوالہ دیتے ہوئے کہا کہ طالبان دوسروں کے معاملات میں مداخلت نہیں کرنا چاہتے اور نہ ہی وہ دوسروں کو ایسا کرنے دیں گے۔"ہم امید کرتے ہیں کہ تمام تاجر خصوصاً چینی سرمایہ کار افغانستان میں سرمایہ کاری کریں گے اور امارت اسلامیہ افغانستان ان کی سلامتی کو یقینی بنائے گی۔" ۔چین نے اتوار کو کابل میں ایک تعمیراتی منصوبے کا افتتاح کیا جس سے افغانستان کے لوگوں کو فائدہ پہنچے گا۔افتتاحی تقریب میں شریک کابل میں چین کے سفیر وانگ یو نے کہا کہ وہ افغانستان میں امن و استحکام کے لیے پرعزم ہیں اور امن و ترقی چین کی مشترکہ خواہش ہے۔