وزیر خارجہ ڈاکٹرایس جے شنکر 18 سے 20 دسمبر تک نئی دہلی میں ہونے والے ہندوستان-وسطی ایشیا ڈائیلاگ کے تیسرے اجلاس کی میزبانی کریں گے۔ وزیر خارجہ کے علاوہ قازقستان، کرغز جمہوریہ، تاجکستان، ترکمانستان اور ازبکستان کے وزرائے خارجہ اجلاس میں شرکت کریں گے۔
دوسرے اجلاس کا انعقاد ہندوستان نے اکتوبر-2020 میں ڈیجیٹل ویڈیو کانفرنس فارمیٹ میں کیا تھا۔ بھارت اور وسطی ایشیا کے پانچ ممالک کے درمیان تعلقات گزشتہ چند برسوں میں سرگرم رہے ہیں۔ بھارت وسطی ایشیا کو اپنے 'توسیعی پڑوس' کا حصہ سمجھتا ہے۔
وزیر خارجہ نے اس سال قازقستان، کرغیز جمہوریہ، تاجکستان اور ازبکستان کا دورہ کیا اور اکتوبر-2021 میں ترکمانستان کے وزیر خارجہ سے ملاقات کی تھی۔
وزارت خارجہ کے ترجمان ارندم باگچی نے جمعرات کے روز بتایا کہ 19 دسمبر کو ہندوستان-وسطی ایشیا ڈائیلاگ کی تیسری میٹنگ کے ایک حصے کے طور پروزرائے خارجہ کے ذریعہ تجارت، رابطے اور ترقیاتی تعاون پر خصوصی توجہ دینیکے ساتھ ہندوستان اور وسطی ایشیائی ممالک کے درمیان تعلقات کو مزید مستحکم کرنے پر تبادلہ خیال کرنے کی امید ہے۔
اس دوران ملاقات میں شامل وزرا باہمی دلچسپی کے علاقائی اور بین الاقوامی امور پر بھی تبادلہ خیال کریں گے۔ وسط ایشیائی ممالک کے وزرائے خارجہ کی بھی وزیر اعظم نریندر مودی سے مشترکہ ملاقات متوقع ہے۔
ہندوستان-وسطی ایشیا ڈائیلاگ کی سالانہ میٹنگوں کا انعقاد تمام رکن ممالک کی طرف سے دوستی، اعتماد اور باہمی افہام و تفہیم کے جذبے کے ساتھ زیادہ سے زیادہ مشغولیت کے لیے دلچسپی کی علامت ہے۔
