نئی دہلی، 3 جنوری (انڈیا نیرٹیو)

ملک میں ایک بار پھر کورونا کیسز تیزی سے بڑھ رہے ہیں۔ گزشتہ 24 گھنٹوں میں نئے مریضوں کی تعداد 33 ہزار 750 سے تجاوز کر گئی ہے۔ اس کے ساتھ ہی صحت یاب ہونے والے مریضوں کی تعداد 10 ہزار 846 ہے۔ جبکہ اس کی وجہ سے 123 لوگوں کی موت ہو چکی ہے۔

مرکزی وزارت صحت کی طرف سے پیر کو جاری کردہ اعداد و شمار کے مطابق ملک میں کورونا سے صحت یاب ہونے والوں کی کل تعداد تین کروڑ 42 لاکھ 95 ہزار 407 ہے۔ ملک میں صحت یابی کی شرح 98.20 فیصد تک پہنچ گئی ہے۔ ملک میں فعال مریضوں کی تعداد بڑھ کر 1 لاکھ 45 ہزار 582 ہو گئی ہے۔ملک میں اب تک کل 68.09 ٹیسٹ کیے جا چکے ہیں۔ گزشتہ 24 گھنٹوں میں 8 لاکھ 78 ہزار ٹیسٹ کیے گئے۔

کورونا سے جنگ: ملک میں اب تک 145.68 کروڑ ویکسین لگائی گئیں

کورونا کے خلاف جنگ میں موثر ویکسینیشن مہم کے تحت گزشتہ 24 گھنٹوں کے دوران ملک میں تقریباً 23 لاکھ ویکسین لگائی گئیں۔ اس کے ساتھ ملک میں اب تک 145.68 کروڑ ویکسین لگائی جا چکی ہیں۔

مرکزی وزارت صحت کے مطابق، پیر کی صبح تک ریاستوں اور مرکز کے زیر انتظام علاقوں کو ویکسین کی 152.52 کروڑ خوراکیں مفت فراہم کی گئی ہیں۔ ریاستوں کے پاس اب بھی 19.84 کروڑ ویکسین کی خوراکیں موجود ہیں۔

ملک میں اومیکرون معاملہ میں تیزی سے اضافہ، اب تک 1700 متاثرین

ملک میں کورونا کے نئے ویریئنٹ اومیکرون کی رفتار بڑھ گئی ہے۔ ملک میں اب تک کل 1700 کیسز سامنے آ چکے ہیں۔ ان میں سے 639 مریض ٹھیک ہو چکے ہیں۔

مرکزی وزارت صحت نے پیر کو جاری کردہ اعداد و شمار میں کہا کہ اومیکرون اب ملک کی 23 ریاستوں اور مرکز کے زیر انتظام علاقوں میں پھیل چکا ہے۔ اومیکرون کے سب سے زیادہ کیس مہاراشٹر میں رپورٹ ہو رہے ہیں۔ یہاں اومیکرون کے 510 کیسز سامنے آئے ہیں۔ دہلی دوسرے نمبر پر ہے جہاں اب تک 351 معاملے سامنے آئے ہیں۔