کمانڈنگ ان چیف نے استقبال کیا اور ایک رسمی گارڈ آف آنر دیاگیا

نئی دہلی، 03 فروری (انڈیا نیرٹیو)

بحریہ کے سربراہ ایڈمرل آر ہری کمار صدارتی فلیٹ ریویو(پی ایف آر) اور کثیر القومی بحریہ مشق ’ملن‘ کی تیاریونں کو دیکھنے کے لئے دو روزہ دورے پر   ایسٹرن نیول کمانڈ (ای این سی) وشاکھاپٹنم پہنچے۔

انہوں نے دونوں پروگراموں کی جاری تیاریوں کا جائزہ لیا۔ ای این سی کے فلیگ آفیسر کمانڈنگ ان چیف نے ان کا استقبال کیا اور انہیں رسمی گارڈ آف آنر دیا۔

بحریہ کے سربراہ ایڈمرل آر. ہری کمار اہلیہ شریمتی کلا ہری کمار کے ساتھ دو روزہ دورے پر وشاکھاپٹنم پہنچے۔ ان کی اہلیہ نیول ویوز ویلفیئر ایسوسی ایشن (این ڈبلیو ڈبلیو اے) کی صدر بھی ہیں۔ آئی این ایس ڈیگا پر سوار ایڈمرل آر۔ ہری کمار کا استقبال وائس ایڈمرل وشو جیت داس گپتا، فلیگ آفیسر کمانڈنگ ان چیف، ایسٹرن نیول کمانڈ (ای این سی) نے کیا۔ اس موقع پر   بحریہ کے سربراہ کو رسمی گارڈ آف آنر پیش کیا گیا۔

ایڈمرل ہری کمار نے وائس ایڈمرل وشو جیت داس گپتا کے ساتھ ایسٹرن نیول کمانڈ کے جاری مسائل پر تبادلہ خیال کیا۔ انہیں ای این سی کی آپریشنل اور انتظامی سرگرمیوں، انسداد کورونا وائرس کے اقدامات کے بارے میں بریفنگ دی گئی۔ سی این ایس کو 21 فروری کو ہونے والی صدارتی فلیٹ ریویو (پی ایف آر) اور 26 فروری سے 03 مارچ تک کثیر القومی بحری مشق 'میلن' کی تیاری کی سرگرمیوں سے آگاہ کیا گیا۔ ایڈمرل نے کمانڈنگ ان چیف کے ساتھ مشرقی بحری بیڑے کی آپریشنل تیاریوں کا جائزہ لیا جس میں ہتھیاروں سے فائرنگ اور اسپیشل فورسز کی کارروائیاں شامل ہیں۔