مرکز نے ریاستوں، این جی اوز اور نجی شراکت داروں کی شراکت سے الحاق کی بنیاد پر سینک اسکولس سوسائٹی، وزارت دفاع کے تحت جموں و کشمیر میں 100 سینک اسکول قائم کرنے کا فیصلہ کیا ہے۔ اس کے لیے جوائنٹ سکریٹری وزارت دفاع، حکومت ہند ستیش سنگھ نے اسکول ایجوکیشن ڈیپارٹمنٹ کو وسیع تر تشہیر کے لیے خط لکھا ہے۔ " جموں و کشمیر سکول ایجوکیشن ڈیپارٹمنٹ کے پرنسپل سکریٹری بشواجیت کمار سنگھ کے نام ایک سرکاری مواصلات میں کہا گیا ہے کہ سینک اسکولوں نے نہ صرف اچھے معیار پرمبنی تعلیم کو خواہشمند والدین اور بچوں کی پہنچ میں لایا ہے بلکہ عاجزانہ پس منظر سے تعلق رکھنے والے طلباکی عسکری قیادت، انتظامی خدمات، عدالتی خدمات اور سائنس سمیت دیگر شعبہ ہائے زندگی میں اعلیٰ مقام تک پہنچنے کی شاندار تاریخ بھی رقم کی ہے۔
خط میں لکھا گیا ہے کہ اس پہل سے سینک اسکولوں کی بڑھتی ہوئی مانگ کو پورا کرنے کی امید ہے، جو مؤثر جسمانی، نفسیاتی، سماجی، روحانی، فکری، جذباتی اور علمی ترقی فراہم کرے گی، اور زندگی کے مختلف شعبوں میں داخل ہونے والے نوجوانوں کو معیاری طور پر بہتر بنائے گی۔ "یہ اسکول سینک اسکولس سوسائٹی آف منسٹری آف ڈیفنس سے منسلک ہوں گے تاکہ ایک ایسا نظام بنایا جا سکے جو تعلیمی سختی کو ایک حد تک نظم و ضبط کے ساتھ جوڑتا ہو اور قدر پر مبنی تعلیم پر زیادہ توجہ فراہم کرتا ہو جو بچوں کو بھرپور ثقافت اور ورثے میں فخر پیدا کرنے کے قابل بنائے۔
حکومت ہند نے ریاستی حکومتوں، این جی اوز اور پرائیویٹ سیکٹر کے تمام اسکولوں کے تعلیمی اداروں کو زیادہ سے زیادہ تشہیر کا اہتمام کرنے اور حساس بنانے میں تعاون اور مدد کی کوشش کی ہے جو سکول ایجوکیشن ڈیپارٹمنٹ کے دائرہ کار میں آتا ہے۔خط میں کہا گیا ہے کہ آن لائن موڈ کے ذریعے رجسٹریشن کے لیے درخواستیں ایک ویب پورٹل کے ذریعے این جی اوز، پرائیویٹ اسکولوں، ریاستی حکومتوں کی ملکیت والے اسکولوں سے نئے سینک اسکولوں کے طور پر منسلک کرنے کے لیے مانگی جارہی ہیں۔ دلچسپی رکھنے والی جماعتیں اپنے ارادے کا اظہار کر سکتی ہیں اور رجسٹر کر سکتی ہیں۔ آپ کے ڈومین میں ضلع مجسٹریٹ اور ضلع کلکٹروں کو ای میل کے ذریعے سینک اسکولس سوسائٹی کی طرف سے مواصلت کی گئی ہے۔
مرکز کے ذریعہ منظور شدہ 100 سینک اسکولوں کے قیام کی پہل کے تحت، سینک اسکولس سوسائٹی دلچسپی رکھنے والے اسکولوں کو اپنے زیراہتمام کام کرنے کی منظوری دینے کے عمل میں ہے۔ یہ اسکیم ملک بھر کے طلبا کو سینک اسکول کے نصاب کی پیروی کے ساتھ ساتھ قومی تعلیمی پالیسی (NEP) کے مطابق آگے بڑھنے کا موقع فراہم کرے گی۔ اس اسکیم کا مقصد پورے ملک کے خواہشمند طلباء کے ایک بڑے حصے کو سینک اسکول کی طرز تعلیم فراہم کرنا ہے۔
