انڈین میڈیسن فارماسیوٹیکل کارپوریشن (آئی ایم پی سی ایل) نےجو حکومت ہند کی آیوش کی وزارت کے تحت ایک مرکزی پبلک سیکٹر انٹرپرائز (سی پی ایس ای) ہے، اپنے اسٹیک ہولڈروں – آیوش کی وزارت اور اتراکھنڈ کی حکومت کو منافع میں سے 1.65 کروڑ روپے ادا کرنے کا اعلان کیاہے۔ منافع کی یہ رقم ایک چیک کی شکل میں آیوش کے وزیر جناب سربانند سونووال کو آج آیوش بھون میں منعقدہ ایک تقریب میں سونپی گئی۔
اس حقیقت کو تسلیم کرتے ہوئے کہ آئی ایم پی سی ایل ایک منی رتن کمپنی ہے وزیر موصوف نے کہا کہ ادویات کے آیوش نظام کو دنیا بھر میں تسلیم کیا جا رہا ہے اور مارکیٹ کا دائرہ بھی اضافہ پذیر ہے۔ آئی ایم پی سی ایل نے ٹیکس کے بعد منافع پر 15 فیصد ڈیویڈنڈ ادا کیا ہے جو کہ 1.66 کروڑ روپے بنتا ہے۔ منافع کا تناسب 1.63 کروڑ روپے برائے حکومت ہند ہے اور میسرزکماؤن منڈل وکاس نگم لمیٹڈ کیلئے 3 لاکھ روپے۔ یہ سال 21-2020 کے لیے ہے۔ آئی ایم پی سی ایل آیوش کی وزارت کے انتظامی کنٹرول کے تحت پبلک سیکٹر کا ادارہ ہے۔ یہ ایک مشترکہ وینچر کمپنی ہے جس میں حکومت ہند کا حصہ 98.11 فیصد اور حکومت اتراکھنڈ کا حصہ 1.89 فیصد ہے۔ سرٹیفیکیشن لائن کمپنی مختلف بیماریوں کے لئے سرِ دست 656 کلاسیکی آیورویدک، 332 یونانی اور 71 ملکیتی آیورویدک دوائیں تیار کر رہی ہے۔ حال ہی میں آئی ایم پی سی ایل کو 18 آیورویدک مصنوعات کے لیئے ڈی سی جی(آئی) کے ذریعے ڈبلیو ایچ او جی ایم پی/سی او پی پی سرٹیفیکیشن سے سرفراز کیا گیا ہے۔جس نے برآمدی کاروبار کے در وا کئے ہیں۔
آئی ایم پی سی ایل کے منیجنگ ڈائریکٹر ڈاکٹر مکیش کمار نےبتایا کہ کمپنی کی طرف سے مجموعی طور پر 1,62,64,182 روپے کی رقم سال 2021-2020 کے ڈیویڈنڈ کے طور پر آیوش کی وزارت کے کابینی وزیر کو دی گئی۔ اسی طرح 3,13,315 روپے کماؤن منڈل وکاس نگم (کے ایم وی این ایل) کے ذریعے اتراکھنڈ کی ریاستی حکومت کو سونپے گئے۔ کے ایم وی این ایل ایک حکومتی ادارہ ہے جو اتراکھنڈ حکومت کے تحت کام کرتا ہے۔ بطور ڈیویڈنڈ 1,65,77,497 روپے کی مجموعی رقم حوالے کی گئی ہے۔
منیجنگ ڈائریکٹر کے مطابق اگرچہ عالمی وبا کووید۔19 کی وجہ سے آپریشنل سرگرمیوں کے لئے یہ ایک مشکل مالی سال تھا لیکن اس نے عام طور پر آیورویدک دواوں کی اور خاص طور پر قوت مدافعت بڑھانے والی دواوں کی بڑھتی ہوئی مانگ کی وجہ سے آگے بڑھنے کا موقع فراہم کیا۔ آئی ایم پی سی ایل کے لئے 20-21 کے دوران اب تک کا سب سے زیادہ 164.02 کروڑ روپے کاروبار ہوا اور 15.69 کروڑ روپے کا ٹیکس سے پہلے کا منافع حاصل ہوا
