وزیر اعظم نریندر مودی نے کہا ہے کہ مرکز کے 3 لاکھ کروڑ روپے کے پیکیج نے 3.5 لاکھ ایم ایس ایم ای یونٹوں کی مدد کی ہے، جس سے تقریباً 1.5 کروڑ نوکریوں کی بچت ہوئی ہے۔ وزیر اعظم نے لوک سبھا کو بتایا کہ چھوٹے اور درمیانے درجے کے کاروباری اداروں (MSMEs) کے تحفظ کے لیے حکومت نے 3 لاکھ کروڑ روپے کی اسکیم تیار کی ہے۔
ایس بی آئی کے اعداد و شمار کا حوالہ دیتے ہوئے، وزیر اعظم نے کہا، "ہمارے MSMEsسیکٹر کے لیے حکومت کی 3 لاکھ کروڑ روپے کی اسکیم کی وجہ سے، 3.5 لاکھ سے زیادہ MSMEsاور 1.5 کروڑ نوکریوں کو بچایا گیا ہے۔" انہوں نے مزید کہا، "ہماری حکومت نے MSMEsکی تشریحکو تبدیل کیا اور اس سے اس شعبے کو مدد ملی"۔مرکز کی آتم نر بھر بھارت مہم کے تحت، پی ایم مودی نے کہا کہ مینوفیکچرنگ سے لے کر سروس سیکٹر تک، ہندوستان اب عالمی ویلیو چین کا حصہ بن رہا ہے۔
انہوں نے مزید کہا، "ہماری بڑی توجہ MSMEsاور ٹیکسٹائل پر ہے۔وزیر اعظم نے یہ بھی کہا کہ ہندوستان کی معیشت عالمی سطح پر سب سے تیزی سے ترقی کرنے والی ہے اور دنیا نے ملک کی معاشی پیشرفت کو نوٹ کیا ہے وہ بھی زندگی میں ایک بار آنے والی وبائی بیماری کے درمیان۔ ملک کی برآمدات میں اضافہ کو نوٹ کرتے ہوئے وزیر اعظم نے کہا کہ ہندوستان نے کرشی (زراعت)، موبائل، سافٹ ویئر اور دفاع سمیت مختلف شعبوں میں سب سے زیادہ برآمدات ریکارڈ کی ہیں۔
